प्रसिद्ध बॉलिवूड निर्मात्यावर पत्नीला कारची टक्कर दिल्याचा आरोप, गुन्हा दाखल

मुंबई : चित्रपट निर्माते कमल किशोर मिश्रा यांच्याविरोधात आंबोली पोलीस ठाण्यात गुन्हा दाखल करण्यात आला आहे. मुंबईतील आंबोली पोलिसांनी मिश्राविरुद्ध आईपीसी कलम २७९ आणि ३३८ अन्वये गुन्हा दाखल करून शोध सुरू केला आहे. कमल किशोर मिश्रा यांच्यावर पत्नीला कारने मारल्याचा आरोप आहे. कमलने 19 ऑक्टोबर रोजी पत्नीला कारने धडक दिल्याचा आरोप आहे. या अपघातात मिश्रा यांची पत्नी यास्मिन गंभीर जखमी झाली.

पत्नीच्या तक्रारीनंतर पोलिसांनी गुन्हा दाखल करून पुढील तपास सुरू केला आहे. अद्याप याप्रकरणी कमल किशोर यांचं कोणतंही वक्तव्य समोर आलेलं नाही.

कोण आहे कमल किशोर मिश्रा?
कमल किशोर मिश्रा चित्रपट निर्माते आहेत. कमल वन एंटरटेनमेंट फिल्म प्रोडक्शन नावाचे प्रोडक्शन हाऊस चालवतात. ते प्रामुख्याने बॉलिवूडमध्ये काम करतात. त्यांनी देहाती डिस्को, शर्मा जी की लग गई, फ्लॅट नंबर 420, भूतियापा यांसारख्या चित्रपटांची निर्मिती केली आहे. त्यांचा शेवटचा चित्रपट देहाती डिस्को या वर्षी प्रदर्शित झाला होता. या चित्रपटात गणेश आचार्य, राजेश शर्मा, मनोज जोशी, रवी किशन असे स्टार्स आहेत. या चित्रपटाचं प्रमोशन वरुण धवन आणि रणबीर कपूरसारख्या स्टार्सनी केलं होतं. या चित्रपटाचं लेखक गणेश आचार्य आणि मनोज शर्मा आहेत.

 कमल खल्ली यांनी बल्ली नावाचा चित्रपटही तयार केला आहे. या चित्रपटात अभिनेता धर्मेंद्र दिसले होते. यात धर्मेंद्र व्यतिरिक्त मधु, रजनीश दुग्गल, किनायत अरोरा, विजय राज, राजपाल यादव, हेमंत पांडे असे स्टार्स आहेत. या चित्रपटाचं दिग्दर्शन मनोज शर्मा यांनी केलं होतं. याशिवाय 2021 मध्ये कमलने प्रोजेक्ट मार्शलची घोषणा केली.

कमल सोशल मीडियावरही खूप सक्रिय आहे. इन्स्टाग्रामवर त्यांना 1.2 मिलियन लोक फॉलो करतात.