ती म्हणतेय, मला ‘ति’च्याशीच करायचंय लग्न!

www.24taas.com, झी मीडिया, भिवानी
आपल्या मैत्रिणीच्याच प्रेमात पडलेल्या युवतीनं मैत्रिणीनं लग्नाला नकार दिल्यानं तिच्यावर चाकू हल्ला केल्याची घटना घडलीय. पोलिसांनी या युवतीला ताब्यात घेतलंय. तिला बालसुधारगृहात ठेवण्यात आलंय.
पोलिसांनी दिलेल्या माहितीनुसार, हरियाणातील भिवानी इथं राहणाऱ्या या दोन्ही अल्पवयीन आहेत. दोघीही एकाच वर्गात शिकतात. प्रेमात पडलेली युवतीनं आपल्या मैत्रिणीशीच लग्न करण्याचा हट्ट धरलाय. तिला पोलिसांनी ताब्यात घेतल्यानंतरही तिच्या वर्तनात कोणताही फरक झालेला नाही. ज्युवेनाईल होमला धमकी देताना, तीनं मैत्रिणीशी लग्न झालं नाही तर आत्महत्या करण्याची धमकीही दिलीय. सिनीअर पोलीस अधिकाऱ्यांच्या मते, पोलीस कर्मचाऱ्यांनी तीचं काऊन्सिलींग केल्यानंतरही ते तिला समजावण्यात अपयशी ठरलेत.
दोन्ही मुली भिवानीच्या सनवार गावातील सीनियर सेकंडरी गर्ल्स स्कूलमध्ये शिकतात. दोघींनीही नुकतीच अकरावीची परीक्षा पास केल्यानंतर बारावीमध्ये प्रवेश मिळवलाय. चौकशीनंतर या दोघींची मागच्या तीन वर्षांपासून पक्की मैत्री आहे. दोघी शाळेच्या बाहेरही बराच वेळ एकमेकींसोबत घालत होत्या. परंतू, त्यातल्या एकीनं दुसरीसमोर लग्नाचा प्रस्ताव मांडला आणि समस्यांना सुरुवात झाली.