हरियाणामध्ये रेल्वे अपघातात एक ठार, १०० जखमी

नवी दिल्ली : हरियाणाच्या पलवल भागात दोन रेल्वे एकमेकांना धडकल्याने भीषण अपघात झालाय. या अपघातात रेल्वे ड्रायव्हरचा मृत्यू झाला आहे. त्यासोबतच १०० प्रवासीही जखमी झाल्याची शक्यता व्यक्त करण्यात येतेय.

मंगळवारी सकाळी दादर-अमृसर एक्सप्रेस दिल्लीच्या दिशेने येत होती. त्याचवेळी पलवल आणि असावटी स्टेशनदरम्यान येत असलेल्या ईमयू शटल आणि दादर-अमृतसर एक्सप्रेसची एकमेकांना धडक बसली. या अपघातामुळे दिल्लीच्या दिशेने जाणाऱ्या रेल्वे वाहतुकीवर परिणाम झालाय.

दरम्यान, या अपघाताचे कारण अद्याप समजू शकलेले नाही. अपघाताचे वृत्त समजताच घटनास्थळी बचावकार्य सुरु करण्यात आलेय.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.