भुताच्या भूमिकेत सगळ्यांना घाबरवणार 'ही' अभिनेत्री

मुंबई : अभिनेत्री नायरा बॅनर्जी 'दिव्य दृष्टी' शोमध्ये नकारात्मक भूमिका साकारणार आहे. ही भूमिका साकारताना तिला आनंद होत असल्याचे तिने सांगितले आहे. शोमध्ये ती दिव्या या भूमिकेला न्याय देताना दिसणार आहे. दिव्या ही एक अशी मुलगी आहे, जिच्याकडे भविष्य बदलासाठी अलौकिक शक्ती आहे. आता ती एक राक्षसी पिशाच बनली आहे. तिचा एकमेव हेतू आहे, आपल्या सख्या बहिणीस म्हणजे दृष्टिला नष्ट करण्याचा. याआधी नायराने कधीही नकारात्मक भूमिका साकारली नाही. तिच्या मते एका कलाकाराला, सर्व प्रकारच्या भूमिकेला न्याय देण्याची संधी मिळायला हवी.