Guru Gochar 2024 : गुरुदेवामुळे 1 मेपर्यंत 'या' लोकांचे अच्छे दिन! धन संपत्तीत अमाप वाढ

Guru Gochar 2024 Achhe Din for these people till 1st May because of Gurudev Immense increase in wealth

Jupiter Transit 2024 :वैदिक ज्योतिषशास्त्रात गुरुदेवाचं संक्रमणाला अतिशय महत्त्व आहे. सध्या गुरु मेष राशीत असून तिथे तो 1 मे 2024 पर्यंत विराजमान असणार आहे. तसंच तो त्याच्या पाचव्या दृष्टीसह सिंह राशीकडे पाहणार आहे. तर त्याच्या सातव्या दृष्टीसह, तो तूळ राशीकडे पाहणार आणि त्याच्या नवव्या दृष्टीसह, त्याला स्वतःची राशी धनु दिसणार आहे. वैदिक ज्योतिषशास्त्रानुसार बृहस्पतिचे तीन पैलू असतात. अशा प्रकारे, काही राशींसाठी त्यांच्या 3 दृष्टी आणि संक्रमणामुळे चांगले दिवस येणार आहेत. तसंच या लोकांच्या संपत्तीतही प्रचंड वाढ होणार आहे. (Guru Gochar 2024 Achhe Din for these people till 1st May because of Gurudev Immense increase in wealth)

मीन रास (Pisces Zodiac) 

गुरुच्या राशीतील बदल तुमच्यासाठी फायदेशीर ठरणार आहे . कारण एकीकडे धन आणि वाणीच्या घरातून गुरु ग्रह तुमच्या राशीतून भ्रमण करतोय. याशिवाय, तो तुमच्या राशीचा स्वामी असल्याने तुम्हाला वेळोवेळी अनपेक्षित पैसे लाभणार आहे. तसंच तुमच्या बोलण्याचा प्रभाव इतरांवर पाडण्यात तुम्ही यशस्वी होणार आहात. सामाजिक क्षेत्रात तुमचा प्रभाव वाढणार असून त्यातून तुम्हाला लाभ मिळणार आहे. या काळात तुम्हाला काही चांगली बातमी कळणार आहे. 

मिथुन रास (Gemini Zodiac)

या राशीच्या लोकांसाठी गुरूचं संक्रमण अनुकूल ठरणार आहे. कारण गुरू ग्रह तुमच्या राशीत उत्पन्न आणि लाभाच्या स्थानी असणार आहे. त्यामुळे यावेळी तुमच्या उत्पन्नात प्रचंड वाढ होणार आहे. या काळात तुम्ही वाहन इत्यादी खरेदी करणार आहात. तुम्ही वाहन खरेदी करु शकता. तुम्हाला तुमच्या मुलांशी संबंधित काही चांगली बातमी कानावर पडणार आहे. जुन्या गुंतवणुकीतून फायदा होणार आहे. जर तुम्ही शेअर मार्केट, बेटिंग आणि लॉटरीमध्ये पैसे गुंतवणार असाल तर तुम्हाला त्यातून लाभ मिळणार आहे. 

मेष रास (Aries Zodiac) 

गुरूची भेट तुमच्यासाठी शुभ ठरणार आहे. कारण बृहस्पति तुमच्या राशीच्या चढत्या घरातून भ्रमण करत असल्याने यावेळी तुमचं व्यक्तिमत्व सुधारणार आहे. तसंच, यावेळी तुम्ही योग्य निर्णय घ्याल, ज्याचा तुम्हाला फायदा होणार आहे. त्याचबरोबर तुमची सर्व सरकारी कामं पूर्ण होणार आहे. सरकारी कामात फायदा होणार आहे. तुमच्या राशीच्या नवव्या आणि बाराव्या घराचा स्वामी गुरु असल्यामुळे यावेळी तुम्हाला नशिबाची साथ मिळणार आहे. पैशांची बचत करण्यातही तुम्ही यशस्वी होणार आहात. तुम्ही देश-विदेशातही प्रवास करण्याचे योग निर्माण होत आहेत.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)