IPL 2022 : लखनौ या नव्या संघाचा कोण होणार कर्णधार आणि प्रशिक्षक? ही 2 नावे चर्चेत

मुंबई : आयपीएल 2022 (IPL 2022) पूर्वी मेगा लिलाव (Mega Auction) होणार आहे, त्यापूर्वी सर्व 8 संघांनी त्यांचे 4 खेळाडू कायम ठेवले आहेत आणि इतरांना लिलावात पाठवले आहेत. विशेष म्हणजे या लिलावात 8 ऐवजी 10 संघ सहभागी होणार आहेत. या दोन नव्या संघांमध्ये नवे प्रशिक्षक, कर्णधार आणि काही नवे खेळाडू पाहायला मिळणार आहेत. दरम्यान, लखनौ संघाच्या प्रशिक्षक आणि कर्णधाराबाबत एक मोठा खुलासा समोर आला आहे.

हा दिग्गज लखनौचा प्रशिक्षक होणार

झिम्बाब्वेचा माजी कर्णधार अँडी फ्लॉवर इंडियन प्रीमियर लीग 2022 मध्ये लखनौ संघाच्या मुख्य प्रशिक्षकपदाच्या शर्यतीत आघाडीवर आहे. फ्लॉवर यांनी पंजाब किंग्जच्या सहाय्यक प्रशिक्षकपदाचा राजीनामा दिला आहे. याबाबत संघाच्या अधिकाऱ्याला विचारले असता ते म्हणाले, 'आम्ही अनेक नावे ऐकत आहोत. आज कोणीतरी लिहिले की गॅरी कर्स्टन प्रशिक्षक होणार आहेत. आमची काही लोकांशी चर्चा सुरू आहे पण जोपर्यंत करार होत नाही तोपर्यंत आम्ही खात्री देऊ शकत नाही.

फ्लॉवर 2020 च्या आयपीएलपूर्वी पंजाब संघाशी संबंधित होता आणि मागील दोन हंगामात मुख्य प्रशिक्षक अनिल कुंबळे यांच्यासोबत काम केले. फ्लॉवर आणि कर्स्टन यांच्याशिवाय लखनौ संघासाठी न्यूझीलंडचा माजी कर्णधार डॅनियल व्हिटोरी आणि भारताचा माजी वेगवान गोलंदाज आशिष नेहरा यांचीही नावे ऐकायला मिळत आहेत.

हा खेळाडू कर्णधार होणार का?
गेल्या दोन मोसमात पंजाबचा कर्णधार असलेला केएल राहुल लखनौ संघात सामील होण्याची शक्यता आहे. मेगा लिलावापूर्वी पंजाब किंग्जने त्यांचा कर्णधार आणि स्टार फलंदाज केएल राहुलला रिटेन केले नाही. राहुलने स्वतः ठरवले होते की त्याला यावर्षी लिलावात उतरायचे आहे. खरं तर, लखनऊ संघाने केएल राहुलला त्यांच्या संघात चांगल्या किंमतीत सामील करून घेण्याबाबत आधीच चर्चा केल्याचे वृत्त समोर आले आहे.

पंजाबसाठी चांगली कामगिरी

भारताचा स्टार ओपनिंग बॅट्समन केएल राहुल (KL Rahul) हा खूप मजबूत बॅट्समन आहे, त्याची लांब षटकार मारण्याची कला सर्वांनाच अवगत आहे. केएल राहुल 2018 पासून पंजाब किंग्जकडून खेळत आहे आणि त्याने प्रत्येक हंगामात पंजाबसाठी 500 हून अधिक धावा केल्या आहेत. 2020 मध्ये, जिथे या खेळाडूने सर्वाधिक धावा केल्या आणि हंगामातील ऑरेंज कॅप जिंकली. त्याचवेळी, यावर्षीही राहुल ऑरेंज कॅप जिंकण्यात थोडा मागे होता. जरी त्याचा संघ पंजाबने कधीही त्याच्या कर्णधाराला पाठिंबा दिला नाही.