धोनीच्या जाळ्यात असा फसला होता मिस्बाह, कोणीही विसरु शकणार हा इतिहास

मुंबई : भारत आणि पाकिस्तान संघ एकाच गटात ठेवण्यात आले आहेत. दोन्ही संघांना सुपर 12 च्या गट 2 मध्ये स्थान देण्यात आले आहे. एकाच गटात असल्याने क्रिकेट चाहत्यांना पुन्हा एकदा भारत आणि पाकिस्तानमधील सुपरहिट सामना पाहता येणार आहे. भारत आणि पाकिस्तान यांच्यातील सामना क्रिकेटप्रेमींसाठी क्रिकेटचा रोमांच नेहमीच घेऊन येतो. विश्वचषकातील इतिहासात भारतीय संघ पाकिस्तानकडून कधीही पराभूत झालेला नाही. अशा परिस्थितीत पुन्हा एकदा भारतीय चाहत्यांना आशा आहे की भारतीय संघ पाकिस्तानविरुद्ध विश्वचषक न गमावण्याचा विक्रम कायम ठेवेल. अशा परिस्थितीत भारत आणि पाकिस्तान यांच्यात 2007 च्या विश्वचषकात खेळल्या जाणार्‍या अंतिम सामन्याचे काही संस्मरणीय क्षण जाणून घ्या, ज्यांनी चाहत्यांची मने जिंकली.

टी-20 विश्वचषकातील पहिल्या सत्रातील अंतिम सामन्यात भारत आणि पाकिस्तानचा संघ अंतिम फेरीपर्यंत पोहोचला. या सामन्यात भारताच्या संघाने शेवटच्या चेंडूवर पाकिस्तानला पराभूत केले. या सामन्यात धोनीने कर्णधार म्हणून ते केले. त्यामुळे संपूर्ण जगात त्याची यशस्वी कर्णधार म्हणून ओळख झाली. या सामन्यात भारताच्या विजयात धोनी व्यतिरिक्त या विजयाचा नायक गोलंदाज जोगिंदर शर्मा होता. 

दक्षिण आफ्रिकेच्या जोहान्सबर्ग येथे खेळल्या गेलेल्या अंतिम सामन्यात भारताने प्रथम फलंदाजी करताना 5 गडी गमावून 157 धावा केल्या. पाकिस्तानला विजयासाठी 158 धावांची आवश्यकता होती. पाकिस्तानकडून इम्रान नाझीर, युनूस खान आणि मिसबाह उल हकने खेळपट्टीवर वेळ घालवला आणि शेवटच्या षटकापर्यंत सामना नेण्यात यशस्वी ठरले. शेवटच्या षटकात पाकिस्तानला विजयासाठी 13 धावांची गरज होती आणि मिस्बाह-उल-हक आणि मोहम्मद असिफ क्रीजवर उपस्थित होते.

शेवटच्या षटकात धोनीला हरभजनसिंग सारख्या गोलंदाजांसोबत जाण्याचा पर्याय होता पण माहीनेबॉल जोगिंदर सिंहच्या हातात दिला. धोनीच्या या निर्णयाने सर्वांना चकित केले. प्रत्येकाला वाटले की धोनीने हा चुकीचा निर्णय घेतला आहे. पण त्या दिवशी नशीब भारताच्या बाजुने होते. वास्तविक पहिला चेंडू जोगिंदरने वाइड टाकला. यामुळे पाकिस्तानला विजयासाठी 6 बॉलमध्ये 12 धावा हव्या होत्या. त्यानंतर जोगिंदरच्या पहिल्या चेंडूवर एकही रन नाही आला. दुसर्‍या बॉलवर मिसबाहने शानदार षटकार खेचत सामन्याचा थरार वाढवला.

आता पाकिस्तानला 4 बॉलमध्ये 6 धावांची आवश्यकता होती. प्रत्येकाला वाटले की मिसबाह 6 धावा करू शकला असता. पण पुढचा बॉल असं काहीतरी आला, बहुधा मिसबाह कधीच हे विसरणार नाही. जोगिंदरच्या पुढच्या बॉलवर मिस्बाह-उल-हकने खाली बसून शॉट लेगवर षटकार मारण्याचा प्रयत्न केला पण चेंडू श्रीशांतच्या हातात गेला.

This day, in #TeamIndia were crowned World T20 Championspic.twitter.com/o7gUrTF8XN

— BCCI (@BCCI) September 24, 2019

टी-20 विश्वचषकात भारत पहिला विजेता ठरला. पाकिस्तानला 5 धावांनी पराभूत करून भारताने इतिहास रचला. धोनीच्या कर्णधारपदाची स्तुती अशी होती की आजपर्यंत कोणीही त्या क्षणांना विसरू शकलेला नाही.