जर असं झालं तर Omicron आणखी करु शकतो कहर, तज्ज्ञांनी दिला गंभीर इशारा

नवी दिल्ली : कोरोनाचा नवीन प्रकार ओमायक्रॉन (Omicron) हळूहळू पाय पसरत आहे. ब्रिटनमध्ये या प्रकारामुळे एका रुग्णाचा मृत्यूही झाला आहे. डब्ल्यूएचओ (WHO) आणि वैज्ञानिक या प्रकाराबद्दल लोकांना सतत इशारा देत ​​आहेत. Moderna Vaccines चे मुख्य वैद्यकीय अधिकारी डॉ पॉल बर्टन यांनी omicron वर एक नवीन गंभीर इशारा दिलाय. डॉ पॉल म्हणतात की, जर ओमायक्रॉन आणि डेल्टा एकाच वेळी एखाद्याला संक्रमित करतात तर ते नवीन सुपर-व्हेरियंट तयार करण्याची शक्यता आहे.

डॉ पॉल म्हणाले की, कोविड संसर्गामध्ये एका वेळी फक्त एकच उत्परिवर्तन होते परंतु क्वचित प्रसंगी एकाच वेळी दोन स्ट्रेन हल्ला करू शकतात. जर हे दोन स्ट्रेन एकाच पेशीला संक्रमित करतात, तर ते डीएनए देखील बदलू शकतात आणि व्हायरसचे नवीन प्रकार तयार करण्यासाठी एकत्र करू शकतात. डॉ पॉल यांनी इशारा दिलाय की, ब्रिटनमध्ये डेल्टा आणि ओमायक्रॉनच्या वाढत्या प्रकरणांमुळे त्याची शक्यता वाढली आहे.

विज्ञान आणि तंत्रज्ञान समितीला संबोधित करताना, डॉ पॉल म्हणाले की, हे निश्चितपणे शक्य आहे" की हे दोन प्रकार जनुकांची अदलाबदल करू शकतात आणि अधिक धोकादायक प्रकारांना जन्म देऊ शकतात. संशोधकांनी असेही म्हटले आहे की, 'विषाणूचा हा प्रकार दुर्मिळ परिस्थितीत देखील दिसू शकतो. आत्तापर्यंत, जनुकांची अदलाबदल करून बनवलेल्या कोरोनाच्या फक्त तीन जातींची नोंद झाली आहे. बहुतेक प्रकरणांमध्ये, विषाणू स्वतःच एक नवीन प्रकार तयार करण्यासाठी बदलतो.'

अवघ्या दोन आठवड्यांत, ओमायक्रॉनने लंडनमध्ये बऱ्याच जणांना संक्रमित केले आहे आणि तज्ञांचा अंदाज आहे की, नवीन वर्षाच्या सुरुवातीपर्यंत तो पूर्णपणे शहरात पसरू शकतो. डॉ पॉल म्हणाले, 'ओमायक्रॉन झालेल्या लोकांना या दोन्ही विषाणूंचा संसर्ग झाला असेल तेव्हा यासाठी निश्चितपणे डेटा आहे. अशीच परिस्थिती यावेळीही पाहायला मिळते कारण येथे संसर्गाची प्रकरणे झपाट्याने वाढत आहेत. हे आणखी धोकादायक प्रकार देखील होऊ शकते का असे विचारले असता, तो म्हणाला की हे नक्कीच होऊ शकते. ते म्हणाले की बहुतेक ठिकाणी एकाच प्रकाराचे वर्चस्व असले तरी, एकाच वेळी दोन जातींचा संसर्ग होण्याची शक्यता कमी आहे.

शास्त्रज्ञांचे म्हणणे आहे की, विषाणूच्या दोन प्रकारांमध्ये जीन स्वॅपिंग शक्य आहे, परंतु ते होण्याची शक्यता कमी आहे. आजपर्यंत, जनुकांच्या अदलाबदलीद्वारे तीन रूपे तयार केली गेली आहेत. यापैकी कोणत्याही प्रकारचा मोठा उद्रेक किंवा धोकादायक प्रकार घडला नाही. बहुतेक प्रकरणांमध्ये, व्हायरसच्या स्वरूपात येणारे हे बदल हानिकारक नसतात. काहीवेळा ते अधिक संसर्गजन्य होण्याच्या संधीचा फायदा घेतात किंवा लसीपासून वाचू शकतात.