कधी पाहिलीय उडणारी सायकल? हिला तुम्ही घर बसल्या बुक करु शकता... किंमत आणि फिचर्ससोबत जाणून घ्या संपूर्ण माहिती

मुंबई : आपल्यापैकी बऱ्याच जणांकडे सायकल ही असेलच. आपण ही सायकल कधी हिंडायला फिरायला म्हणून वापरतो, तर कधी फीटनेससाठी वापरतो. प्रत्येकजण आपआपल्या सोयीप्रमाणे याचा वापर करतो. सायकलचा सरळ सोपा रुल आहे. त्यावर बसा त्याचे पैडल मारा आणि वेगाने पुढे जा. सर्वसामान्यता अशीच सायकल चालते. परंतु तुम्हाला जर सांगितलं की, सायकल चालवून तुम्ही हवेत उडू शकता. हो हे खरं आहे. हवेतून उडणाऱ्या या सायकलचा शोध 2013 मध्येच लागला होता, पण आता ८ वर्षांनंतर ही सायकल विक्रीसाठी सज्ज झाली आहे.

तुम्ही देखील ऑर्डर देऊन ती खरेदी करू शकता. तुम्हाला ही सायकल कशी मिळेल, त्याची किंमत काय आहे आणि ती कशी काम करते, हे सगळं आज आम्ही तुम्हाला सांगणार आहोत.

या सायकलचा शोध जॉन फोडेन आणि यानिक रीड या दोन ब्रिटीश तरुणांनी 2013 मध्ये लावला होता. या दोघांनी त्यावर आधारित दुचाकी सायकलची रचना केली आणि तिला 'एक्सप्लोरएअर पॅराव्हेलो' असे नाव दिले. दुचाकी सायकलमध्ये मागील बाजूस आणखी दोन लहान चाकांचा आधार होता. जमिनीवर चालण्याव्यतिरिक्त ते हवेत आरामात उडते.

ही सायकल एअरक्राफ्ट ग्रेड ऍल्युमिनियमपासून बनवली आहे, जे मजबूत आणि वजनाने हलकी आहे. या सायकलच्या मागच्या बाजूला एक मोठा पंखा आहे. इंजिन हवेत उडण्यासाठी मोकळी जागा हवी. त्यात प्रथम पॅराग्लायडर उघडले जाते आणि नंतर इंजिन सुरू करून पंखा सुरू केला जातो. यासह, ती हवेत वाढू लागते आणि नंतर त्याला नियंत्रित करून इच्छित दिशेने उडता येते.

साहसप्रेमींसाठी ही एक उत्तम राइड आहे. हे सायकल आणि विमान दोन्हीसारखे काम करते. जमिनीवर ती 15 mph वेगाने धावू शकते, तर हवेत ती 25 mph वेगाने उडू शकते. ही सायकल हवेत 4000 फूट उंचीपर्यंत जाऊ शकते आणि किमान 3 तास टिकू शकते.

हे यूकेच्या पॅराजेट कंपनीने तयार केले आहे. ते कंपनीच्या वेबसाइटवर देखील ऑर्डर केले जाऊ शकते. या सायकलसोबत उड्डाण करणे अत्यंत सोपे असल्याचा कंपनीचा दावा आहे. हे फोल्ड करण्यायोग्य आणि पोर्टेबल देखील आहे. ही सायकल तुम्हाला 45,000 डॉलर म्हणजेच सुमारे 26 लाख रुपयात मिळेल.