'या' ठिकाणी पाया पडून नाही तर चक्क अंगावर थुंकून पाहुण्यांच होतं स्वागत, थुंकणे हाच आशिर्वाद

Unique Tradition : पाहुणे घरी आल्यावर आपण वेगवेगळ्या पद्धतीने स्वागत करते. पण 'या' देशात पाहुण्यांवर थुंकून त्यांच स्वागत केलं जातं. ही अनोखी पद्धत म्हणजे आशिर्वाद असाही त्यांचा दाव... 

दक्षता ठसाळे-घोसाळकर | Updated: Oct 22, 2023, 11:38 AM IST
'या' ठिकाणी पाया पडून नाही तर चक्क अंगावर थुंकून पाहुण्यांच होतं स्वागत, थुंकणे हाच आशिर्वाद

केनियातील मसाई जमातीचे लोक त्यांच्या परंपरांचा खूप आदर करतात. मसाई जमातीत पाहुणे म्हणून गेलात तर तिथे थुंकून स्वागत केले जाईल. जगाने पूर्वीच्या तुलनेत खूप प्रगती केली आहे. लोक अनेक प्रकारचे तंत्रज्ञान वापरू लागले आहेत. जिथे आधी आग पेटवण्यासाठी खूप मेहनत करावी लागत होती, तिथे आता इंडक्शन स्टोव्हमुळे शेकोटी पेटवण्याचे काम फक्त विजेच्या सहाय्याने केले जाते. लोक आधुनिक झाले आहेत पण लोकांच्या काही वर्गांनी हे आधुनिक जीवन स्वीकारण्यास नकार दिला. असे अनेक आदिवासी लोक आज जगाच्या छुप्या भागात राहत आहेत, ज्यांची माहिती फारच कमी लोकांना माहित आहे. 

या आदिवासी लोकांचे जीवन आजही पूर्वजांच्या परंपरेवर सुरू आहे. या लोकांना इंटरनेट, वाहतूक इत्यादींशी काही देणे घेणे नाही. ते प्राण्यांची शिकार करून आपला उदरनिर्वाह करतात आणि आजही ते शेकडो वर्षांपूर्वी त्यांच्या पूर्वजांनी घालून दिलेल्या नियमांचे पालन करतात. आज आम्ही तुम्हाला अशाच एका आदिवासी समूहाबद्दल सांगणार आहोत. केनियामध्ये राहणारे मसाई जमातीचे लोक त्यांच्या कडक नियमांसाठी ओळखले जातात. ते आपल्या परंपरांशी तडजोड करत नाहीत. या जमातीची एक परंपरा म्हणजे लोकांवर थुंकणे. ज्या थुंकीकडे आपण तिरस्काराने पाहतो ते या जमातीत वरदान मानले जाते.

पाहा व्हिडीओ

थुंकून करतात स्वागत

मसाई जमातीचे लोक केनिया आणि उत्तर टांझानियामध्ये राहतात. या जमातीत आशीर्वाद देण्याची पद्धत अगदी अनोखी आहे. हे लोक आपल्या घरी येणाऱ्या पाहुण्यांवर आणि आपल्या लहान मुलांवर आशीर्वाद म्हणून थुंकतात. जर कोणी तुमच्यावर थुंकले तर तुम्ही कदाचित त्याला शिव्या द्याल. पण या जमातीत एखाद्यावर थुंकणे म्हणजे त्याचे वरदान मानले जाते. लहान मुले असोत किंवा कोणताही पाहुणे असो, या जमातीचे लोक एकमेकांवर थुंकून आशीर्वाद देतात.

थुंकण्यातच विशेष लोक धन्यता मानतात

मसाई जमातीचे लोक सगळ्यांवर थुंकत नाहीत. त्यांचे एक तत्व आहे. ज्यांचा आदर करतात त्यांच्यावरच ते थुंकतात. आमच्या टोळीतील लहान मुलांवर. त्यांचा असा विश्वास आहे की, जर लहान मुलांवर थुंकले नाही तर त्यांचे जीवन खूप दुःखी होईल. ते आनंदी होणार नाहीत आणि त्यांना आयुष्यभर फक्त त्रास सहन करावा लागेल. आपल्या मुलांना आनंदी जीवन देण्यासाठी या जमाती आपल्या मुलांवर खूप थुंकतात.

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x