कुत्र्याला विमानातून फेकलं? Video पाहून बसेल धक्का

प्रत्येक फोटो किंवा व्हिडीओ काहीतरी सांगत असतो. फोटोत किंवा व्हिडीओत असलेले सत्य कोणी बदलू शकत नाही. पण त्यात जे आहे तेच सत्य असू शकत नाही. कधीकधी त्याच्या दोन बाजू असतात ज्या समजायला थोडा वेळ लागतो. काही काळ वाट पाहिल्यानंतर वेगळी गोष्ट समोर येऊ शकते. सोशल मीडियावर (Social media) अशा खूप गोष्टी व्हायरल (Viral) होत असतात. यातले काही फोटो आणि व्हिडिओ आपल्याला विचार करायला भाग पाडत असतात. असाच एक व्हिडीओ सध्या सोशल मीडियावर व्हायरल होत आहे. मात्र आता त्याचा संपूर्ण व्हिडीओही समोर आला आहे. (Optical illusion dog thrown from of plane video viral)

या व्हिडीओने लोकांना घाबरवले आहे. हा व्हिडीओ पाहून सुरुवातीला तुम्हाला कुत्र्याबद्दल दया नक्कीच येईल. पाहणाऱ्यांना वाटले की मालकाने कुत्र्याला विमानातून बाहेर फेकले आहे. पण हे सत्य नव्हते. या व्हिडीओचा आणखी एक पैलू होता जो तो पाहिल्यावर स्पष्ट झाला. कुत्रा विमानात नसून  बर्फावर होता. व्हायरल झालेल्या व्हिडीओमध्ये लोक घाबरले होते.

'डेली मेल' या युट्यूब चॅनलवर हा व्हिडीओ शेअर करण्यात आला आहे. हा व्हीडिओ सध्या व्हायरल (Viral video) होत आहे. या व्हिडीओमध्ये एक कुत्रा दिसत आहे. सुरुवातीला कुत्र्याला विमानातून बाहेर फेकलं जात असल्याचं वाटत होतं. पण हा कुत्रा विमानात नव्हता तर बर्फात होता. त्याला एक फूटाच्या उंचीवरून बर्फात फेकण्यात आलं. 

दरम्यान, 'डेली मेल' यूट्यूब चॅनलवर या व्हिडीओला दोन लाख 70 हजार लोकांनी पाहिलं आहे. तर पाचशेपेक्षा अधिक लोकांनी लाईक केलं आहे. हा व्हिडिओ सध्या कुत्र्याला विमानातून फेकलं असं म्हणत शेअर केला जात आहे.