Viral Video: रस्त्याशेजारी गाढ झोपलेल्या कुत्र्याजवळ अचानक आला गेंडा, पुढे जे झालं ते तुम्ही बघा...

Rhino Street Dog Video: रस्त्यावरील भटके कुत्रे (Street dog) म्हटलं की अनेक जणांना त्यांची भीती वाटते. याचं कारण म्हणजे लहान मुलं किंवा मोठ्या व्यक्तींवरही अनेकदा भटके कुत्रे हल्ला करताना दिसतात. मात्र आज आम्ही तुम्हाला एक गमतीदार व्हिडीओ दाखवणार आहोत, ज्यामध्ये भटका कुत्राच घाबरून पळून गेल्याचं दिसतंय. सोशल मीडियावर (Social Media) हा व्हिडीओ चांगलाच व्हायरल होताना दिसतोय.

सोशल मीडियावरील हा व्हिडीओ पाहून अनेकजण आपलं हसू रोखू शकले नाहीयेत. या व्हिडीयोमध्ये एक गेंडा (Rhino) आणि एक कुत्रा (Dog) दिसत असून गेंडा झोपलेल्या कुत्र्याजवळ जाताच कुत्र्यांची काय तारांबळ उडते हे पाहायला मिळतंय

शांत झोपलेल्या कुत्र्याला गेंड्याने घाबरवलं

हा कुत्रा शांत झोपलेला असतो. त्याचवेळी तिथे फिरत फिरत हा गेंडा येतो. कुत्र्याला पाहून तो त्याचं डोकं खाली करून शिंगाने कुत्र्याला मारण्याचा प्रयत्न करतो. त्याचवेळी कुत्र्याची झोपमोड होते आणि जवळ आलेला इतका विशाल जीव पाहून गेंडा धूम ठोकून पळून जातो आणि भुंकायला लागतो.

Would definitely get your blood pumping waking up to that… pic.twitter.com/fW6FK7tY5g

— Fred Schultz (@FredSchultz35) November 15, 2022

याच दरम्यान काही अंतरावर असलेल्या इतर अनेक कुत्रेही गेंड्याला पाहून भुंकू लागतात. मात्र ही घटना कुठे घडलीये हे सध्या तरी कळू शकलेलं नाही. या घटनेचा व्हिडिओ कोणीतरी कॅमेऱ्यात रेकॉर्ड केलाय. यानंतर सोशल मीडियावर हा वाऱ्यासारखा व्हायरल झाला. हा व्हायरल व्हिडीओ 15 नोव्हेंबरला फ्रेड शल्ट्झ या ट्विटर हँडलवरून पोस्ट करण्यात आला होता.