'या' देशात 'वर्क फ्रॉम होम'चा अधिकार कायदेशीर होणार; आयुष्यभर घरून काम करता येणार

नवी दिल्ली : नेदरलँडमध्ये वर्क फ्रॉम होम करणाऱ्या कर्मचाऱ्यांसाठी मोठी बातमी समोर येत आहे. संसदेत घरातून काम करण्याचा  अधिकार कायदेशीर बनवणार आहे. गेल्या आठवड्यात संसदेच्या कनिष्ठ सभागृहाने यासंबंधीचा कायदा मंजूर केला. आता देशाला वरिष्ठ सभागृह म्हणजेच सिनेटच्या मंजुरीची प्रतीक्षा आहे.

नेदरलँडमधील कंपन्या सध्या कोणतेही कारण न देता कर्मचार्‍यांची वर्क फ्रॉम होम विनंती नाकारू शकतात, परंतु या कायद्यानंतर त्यांना कारणे द्यावी लागतील.

वॉल स्ट्रीट जर्नलच्या वृत्तानुसार, ग्रोएनलिंक्स पक्षाच्या सेना मॅटौग म्हणाल्या- 'हे विधेयक मंजूर झाल्यामुळे कर्मचाऱ्यांना जीवनात संतुलन निर्माण करण्यास मदत होईल. तसेच प्रवासाचा वेळही वाचणार आहे.' हे विधेयक तयार करणाऱ्यांमध्ये मॅटौग यांचा समावेश आहे.

2015 मध्ये, नेदरलँडच्या संसदेत फ्लेक्सिबल वर्किंग एक्ट सादर करण्यात आला. या विधेयकात कर्मचारी कामाचे तास, वेळापत्रक आणि अगदी कामाच्या ठिकाणात बदल करण्याची विनंती करू शकतात. हे विधेयक 2015 च्या विधेयकाचा विस्तार आहे.

जगभरातील कंपन्या आपल्या कर्मचाऱ्यांना कार्यालयात परत बोलावत आहेत. अशा वेळी नेदरलँडच्या संसदे फ्लेक्सिबल वर्किंग एक्टची चर्चा सुरू आहे. हे विशेष मानले जात आहे.

युरोस्टॅटच्या म्हणण्यानुसार, कोरोनापूर्वीही नेदरलँड्समधील 14% लोक घरून काम करत होते. 2020 मध्ये कोरोना संसर्गामुळे वर्क फ्रॉम होम करणाऱ्यांची संख्या वाढली होती.