Sovereign Gold Bond: காலம் காலமாக மக்கள் தங்கம் வாங்குவதை ஒரு சிறந்த முதலீட்டு வழியாக கருதி அதை செய்து வருகிறார்கள். தொடர்ந்து உயர்ந்து கொண்டிருக்கும் தங்கத்தின் விலை, மக்களுக்கு அதிக லாபத்தையும் அளித்து வருகிறது. சமீப காங்களில் தங்கம் விலை குறைந்து கொண்டிருக்கின்றது. இது முதலீட்டு கோணத்தில் மிகச்சிறந்த சமயமாகும். முதலீட்டிற்கான தங்கம் வாங்க எண்ணுபவர்களுக்கு இது ஏற்ற நேரமாகும்.
நீங்கள் தங்கத்தில் முதலீடு செய்ய விரும்பினால், இதை விட ஒரு நல்ல வாய்ப்பு உங்களுக்கு கிடைக்காது. MCX-ல் தங்கம் 8 மாத குறைந்த விலையில் வர்த்தகம் செய்யப்படுகிறது. மறுபுறம், அரசாங்கம் தனது சோவரின் தங்க பத்திர திட்டத்தையும் கொண்டு வந்துள்ளது. அதில் நீங்கள் இன்று முதல் முதலீடு செய்யலாம். மிகச் சிறந்த விஷயம் என்னவென்றால், அரசாங்கத்தின் தங்கத்தை சந்தையை விட குறைந்த விலையில் நீங்கள் வாங்க முடியும்.
இன்று முதல் சோவரின் தங்க பத்திர திட்டம் தொடங்குகிறது
சோவரின் தங்க (Gold) பத்திரத்தின் 12 வது தொடர் மார்ச் 1 முதல் முதலீட்டிற்காக திறக்கப்பட்டது. மார்ச் 5 வரை நீங்கள் அதில் பணத்தை முதலீடு செய்யலாம். இந்த திட்டம் நடப்பு நிதியாண்டின் கடைசி தொடராக இருக்கும். இந்த முறை சோவரின் தங்கப் பத்திரத்தின் விலை பத்து மாதங்களில் இல்லாத அளவு மிகக் குறைவாகவே வைக்கப்பட்டுள்ளது.
மலிவான தங்க பத்திர திட்டம்
இந்த நேரத்தில் நீங்கள் சோவரின் தங்க பத்திரங்களில் மிகவும் மலிவான விலையில் முதலீடு செய்யலாம். இந்த முறை ரிசர்வ் வங்கி 1 கிராம் தங்கப் பத்திரத்தின் விலையை ரூ .4,662 ஆக நிர்ணயித்துள்ளது. ஆன்லைன் பத்திரங்களை வாங்குபவர்களுக்கு ஒரு கிராமுக்கு ரூ .50 தள்ளுபடி கிடைக்கும். அதாவது, நீங்கள் 10 கிராமுக்கு 46120 ரூபாய் செலுத்தினால் போதும்.
ALSO READ: Gold rates today: இன்றும் குறைந்தன தங்கம் வெள்ளி விலைகள், உங்கள் ஊரின் விலை நிலவரம் இதோ
10 மாதங்களில் இல்லாத அளவு மலிவான வீதம்
12 வது தொடர் 10 மாதங்களில் இல்லாத அளவு மலிவான விலை கொண்ட தொடராகும். ஏனெனில் நடப்பு நிதியாண்டின் தொடக்கத்தில், இரண்டாவது தொடர் அதாவது மே 2020 இல், சோவரின் தங்கப் பத்திரத்தின் விலை கிராமுக்கு ரூ .4,590 ஆக இருந்தது. 11 வது தொடரில் பத்திர விலை கிராமுக்கு ரூ .4,912 ஆக இருந்தது.
தங்கப் பத்திரங்களை எங்கே வாங்கலாம்
நீங்கள் சோவரின் கோல்ட் பாண்டில் முதலீடு செய்ய விரும்பினால், உங்களிடம் பான் அட்டை (Pan Card) இருக்க வேண்டும். நீங்கள் அதை அனைத்து வணிக வங்கிகளிலும் (ஆர்.ஆர்.பி., சிறு நிதி வங்கி, பேமெண்ட் வங்கி தவிர), தபால் அலுவலகம், ஸ்டாக் ஹோல்டிங் கார்ப்பரேஷன் ஆஃப் இந்தியா லிமிடெட் (SHCIL), தேசிய பங்குச் சந்தை (NSE), பாம்பே பங்குச் சந்தை (BSE) அல்லது நேரடியாக முகவர்கள் மூலமும் விண்ணப்பிக்கலாம்.
முதிர்வு காலம் என்ன?
சோவரின் தங்கப் பத்திரம் ஒரு நீண்ட கால முதலீடாகும். இதன் முதிர்வு காலம் 8 ஆண்டுகளாகும். ஆனால் நீங்கள் அதை 5 ஆம் ஆண்டுகளிலிருந்து பணமாக்கிக்கொள்ளலாம். நீங்கள் அதை பணமாக்கும்போது கிடைக்கும் விலை அந்த நேரத்தில் சந்தையில் தங்கத்தின் விலையைப் பொறுத்தது.
தங்கப் பத்திரங்களின் நன்மைகள்
தங்கப் பத்திரங்கள் (Gold Bond) மெச்யூர் ஆனவுடன் அதில் வரி விலக்கு கிடைக்கும். அதே நேரத்தில், இதில் செலவு விகிதம் ஒன்றுமில்லை. இதில் இந்திய அரசின் உத்தரவாதம் இருப்பதால், போலித்தன்மைக்கு இதில் வழியில்லை. இது எச்.என்.ஐ.க்களுக்கு ஒரு சிறந்த வழியாகும். இதை முதிர்வு காலம் வரை வைத்திருந்தால், ஆதாய வரி செலுத்த வேண்டியதில்லை. பங்குகளில் 10% மூலதன ஆதாய வரி போடப்படுகிறது. ஆகையால், இது நீண்டகால முதலீட்டு வகைகளில் சிறந்ததாகக் கருதப்படுகிறது. பிசிக்கல் தங்கத்தை விட தங்கப் பிணைப்புகளை நிர்வகிப்பது எளிதானது மற்றும் பாதுகாப்பானது.
இதில் தூய்மைக்கு எந்த பாதகமும் இருக்காது. தூய தங்கத்தின் அடிப்படையில் விலைகள் தீர்மானிக்கப்படுகின்றன. இது எளிதாக வெளியேறும் விருப்பங்களைக் கொண்டுள்ளது. தங்கப் பத்திரத்திற்கு பதிலாக கடன் வசதியும் நமக்கு கிடைக்கிறது.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
