அலுவலக salary accountஇல் இத்தனை வசதிகளா? தெரிந்துக் கொள்ளுங்கள்…

வங்கிகளில் வாடிக்கையாளர்கள் வைத்திருக்கும் வங்கிக் கணக்குகளில் இருப்பதைவிட அதிகமான வசதி salary accountஇல் உள்ளது. ஊழியர்களின் சம்பளக் கணக்கில் (salary account in bank) பல சலுகைகள் கிடைக்கின்றன, ஆனால் வங்கி ஊழியர்கள் இந்த விவரங்களை உங்களுக்கு முழுமையாக தெரிவிப்பதில்லை. 
இது உண்மையில்லை, எங்கள் வங்கியின் ஊழியர்கள் எல்லா வசதிகளைப் பற்றியும் பூரணமாக தெரிவித்திருக்கிறார்கள் என்று சொல்கிறீர்களா? அது உண்மையா என்பதை இந்தத் தகவல்களை தெரிந்து பிற்கு தான் உங்களால் நிச்சயமாக சொல்ல முடியும்.

எந்தவொரு நிறுவனத்திலும் முதல் முறையாக வேலைக்கு சேரும்போது,  சம்பளக் கணக்கு தொடங்கப்படுகிறது. இந்த கணக்கை சம்பளத்திற்கு மட்டுமே பயன்படுத்துபவர்கள் பலர் இருக்கின்றனர். ஆனால் உங்கள் சம்பளக் கணக்கில் பல நன்மைகள் உள்ளன என்பது உங்களுக்குத் தெரியுமா? நீங்கள் இந்த கணக்கை அதிகம் பயன்படுத்தாததால், இந்த வகைக் கணக்கில் உங்களுக்கு கிடைக்கும் நன்மைகளைப் பற்றி, எஸ்.பி.ஐ உட்பட பல வங்கிகள் சொல்வதில்லை என்று பரவலாக ஒரு கூற்று உண்டு.. உங்கள் சம்பளக் கணக்கின் நன்மைகள் என்ன தெரிந்துக் கொள்வோமா?

1. wealth salary account என்ற சம்பளக் கணக்கைத் திறக்க முடியும்
zeebiz.com வலைத்தளத்தின் படி, உங்களிடம் அதிகமான அளவு பண இருப்பு இருந்தால், நீங்கள் wealth salary account திறக்கலாம். இதன் கீழ், வங்கி உங்களுக்கு ஒரு பிரத்யேக dedicated wealth manager எனப்படும் மேலாளரை வழங்குகிறது. இந்த மேலாளர் உங்கள் வங்கி தொடர்பான அனைத்து வேலைகளையும் கையாள்வார்.

2. பணியாளர் நன்மை (Employee Benefit)
சில வங்கிகள் சம்பளக் கணக்குகளுக்கு கிரெடிட் கார்டுகளை வழங்குகின்றன. அதோடு, ஓவர் டிராஃப்ட், மலிவான கடன்கள், காசோலைகளை இலவசமாக அனுப்புதல், பே ஆர்டர் (pay orders) மற்றும் வங்கி வரைவோலை (demand drafts), இலவச இணைய பரிவர்த்தனைகள் என பல வசதிகளை வழங்குகின்றன.

3. சேமிப்புக் கணக்கு (Saving Bank Account)
தொடர்ந்து சில காலத்திற்கு உங்கள் கணக்கில் சம்பளம் வரவில்லை என்ரால், சம்பளக் கணக்கு, சாதாரணமான சேமிப்புக் கணக்காக மாறிவிடும்.  salary account-க்கு கிடைக்கும் அனைத்து வசதிகளும் திரும்பப் பெறப்பட்டு, அந்த வங்கிக் கணக்கு, சாதாரண சேமிப்புக் கணக்கு போல தொடரும்.

4. கணக்கை மாற்றுதல்
கணக்கை ஒரு வங்கியில் இருந்து இன்னொரு வங்கிக்கு மாற்றுவதைப் போலவே, சம்பளக் கணக்கையும் மாற்றிக் கொள்ளலாம். அதற்கு சில நிபந்தனைகள் இருந்தபோதிலும், இது சாத்தியமான ஒன்றே. இது உங்களுக்குத் தெரியுமா?

5. யாருக்கு சம்பளக் கணக்கு திறக்க முடியும்? 
ஒரு கார்ப்பரேட் அமைப்பில் உள்ள நிறுவனத்தில் பணியாற்றுபவர்களுக்கு சம்பள கணக்கு திறக்க தகுதி உண்டு.  சம்பளக் கணக்கு திறக்கப்படும் வங்கியில், ஊழியருக்கு வேறு எந்தக் கணக்கும் இருக்கக்கூடாது.

6. பிற வசதிகள்
வங்கி உங்களுக்கு தனிப்பயனாக்கப்பட்ட காசோலை புத்தகத்தை வழங்குகிறது, அதில் ஒவ்வொரு காசோலையிலும் உங்கள் பெயர் அச்சிடப்பட்டிருக்கும். இந்த வங்கிக் கணக்கில் இருந்து கட்டணங்களை செலுத்தும் வசதியை பெறலாம், தொலைபேசி அல்லது இணையம் மூலம் பணம் செலுத்தலாம். லாக்கர், ஸ்வீப்-இன், சூப்பர் சேவர் வசதி, இலவச காசோலை புத்தகம், இலவச நிறுவல்கள், இலவச பாஸ் புக் மற்றும் இலவச மின்னஞ்சல் அறிக்கை போன்ற வசதிகளையும் வங்கிகள் வழங்குகின்றன.

7. ஜீரோ பேலன்ஸ் மற்றும் இலவச ஏடிஎம் பயன்பாடு
ஊதியக் கணக்கில் பூஜ்ஜிய காலாண்டு நிலுவைத் தொகை (zero quartly balance) வைத்திருக்க ஊழியர் அனுமதிக்கப்படுகிறார். அதுமட்டுமல்ல, சம்பள கணக்கை பணம் இல்லாமலேயே பூஜ்ஜிய நிலுவைத் தொகையில் (zero balance) திறக்க முடியும். வழக்கமாக, ஒரு வங்கியில் கணக்கைத் திறக்க, குறைந்தது1000 ரூபாய் டெபாசிட் செய்ய வேண்டும். இது தவிர, பிற வங்கிகள் ஒரு சாதாரண கணக்கில் ஏடிஎம் (ATM) வசதியைப் பயன்படுத்த கட்டணம் வசூலிக்கின்றன.
புதிய விதிப்படி, இந்த வசதி ஒரு சில வங்கி ஏடிஎம்களில் கிடைக்கிறது. உதாரணமாக, கோடக் மஹிந்திரா வங்கி, பெடரல் வங்கி போன்ற சிறிய வங்கிகள் இந்த வசதியை வழங்குகின்றன. எச்.டி.எஃப்.சி (எச்.டி.எஃப்.சி வங்கி) மற்றும் ஐ.சி.ஐ.சி.ஐ வங்கி (ஐ.சி.ஐ.சி.ஐ வங்கி) ஒரு குறிப்பிட்ட வரம்பிற்குப் பிறகு இலவச பரிவர்த்தனைகளை வழங்குவதில்லை.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR