PMC முறைகேட்டு வழக்கு; சிக்கினார் முன்னாள் தலைவர் வாரியம் சிங்...

பஞ்சாப் மற்றும் மகாராஷ்டிரா கூட்டுறவு வங்கி முறைகேட்டில்(ரூ .4,500 கோடி) நடந்து வரும் விசாரணையில் திங்களன்று பல அதிர்ச்சி விவரங்கள் வெளிவந்துள்ளன. 

Updated: Oct 15, 2019, 06:36 AM IST
PMC முறைகேட்டு வழக்கு; சிக்கினார் முன்னாள் தலைவர் வாரியம் சிங்...

பஞ்சாப் மற்றும் மகாராஷ்டிரா கூட்டுறவு வங்கி முறைகேட்டில்(ரூ .4,500 கோடி) நடந்து வரும் விசாரணையில் திங்களன்று பல அதிர்ச்சி விவரங்கள் வெளிவந்துள்ளன. 

ஜீ மீடியாவால் மதிப்பிடப்பட்ட ஆவணங்கள், வங்கியின் வாடிக்கையாளர்கள் டெபாசிட் செய்த பணத்தைப் பயன்படுத்தி தனியார் சொத்துக்களை உருவாக்க PMC வங்கி அதிகாரிகள் அப்பட்டமாக விதிகளை மீறியுள்ளதாகக் காட்டுகின்றன.

தற்போது காவல்துறை காவலில் உள்ள PMC வங்கியின் முன்னாள் தலைவர் வாரியம் சிங், மும்பையின் ஆடம்பரமான ஜுஹு பகுதியில் ரூ .2,500 மதிப்புள்ள நிலத்தை வைப்புத்தொகையாளரின் பணத்தைப் பயன்படுத்தி வாங்கியுள்ளார். மும்பை காவல்துறையின் பொருளாதார குற்றப்பிரிவின் DCP விசாரணையின் போது இந்த நிலத்தை காண சென்றுள்ளார் என்று கூறப்படுகிறது.

மன்மோகன் அஹுஜா என்ற நபர் வட இந்தியாவில் சிங்கிற்கு முன்னணியில் இருந்தார் என்பதும் விசாரணையில் தெரிய வந்துள்ளது. தற்போது தலைமறைவாகியுள்ள அஹுஜா, PMC வங்கியில் இருந்து திருப்பி அனுப்பப்பட்ட பணத்தை அமிர்தசரஸில் Hotel Lemon Tree என்ற ஐந்து நட்சத்திர ஹோட்டல் வாங்க பயன்படுத்தியதாக குற்றம் சாட்டப்பட்டுள்ளது. 

அஹுஜா பஞ்சாப், ஹரியானா மற்றும் இமாச்சல பிரதேசத்தில் சிங்கிற்காக பல சொத்துக்களை வாங்கியுள்ளார் என்றும் கூறப்படுகிறது. முன்னாள் PMC வங்கித் தலைவருக்குச் சொந்தமானதாகக் கூறப்படும் இந்த சொத்துக்கள் குறித்த கூடுதல் தகவல்களை சேகரிக்க காவல்துறை குறிப்பிட்ட இந்த மாநிலங்கள் அனைத்தையும் பார்வையிட முடிவுசெய்துள்ளது.

PMC வங்கித் தலைவரும் கடன் கணக்குகள் குறித்த சரியான விவரங்களை இந்திய ரிசர்வ் வங்கியில் சமர்ப்பிக்கத் தவறிவிட்டார் என்பதும் விசாரணையில் தெரிய வந்துள்ளது. சிங் வேண்டுமென்றே நிறுவன பதிவாளருக்கு தவறான தகவல்களை வழங்கினார் மற்றும் HDIL கடன் கணக்குகள் பற்றிய தகவல்களை வழங்கவில்லை.

இந்த முறைகேடு தொடர்பாக HDIL-ன் விளம்பரதாரர் ராகேஷ் வதவன், அவரது மகன் சாரங் வாதவன், PMC வங்கியின் முன்னாள் நிர்வாக இயக்குனர் ஜாய் தாமஸ் மற்றும் சிங் ஆகியோரை கால்துறை கைது செய்துள்ளனர் என்பது குறிப்பிடத்தக்கது.

இது தொடர்பான வளர்ச்சியில், ரிசர்வ் வங்கி திங்களன்று PMC வங்கியின் வைப்புதாரர்களுக்கான திரும்பப் பெறும் வரம்பை ரூ .40,000-ஆக உயர்த்தியது. ரிசர்வ் வங்கி ஒரு செய்திக்குறிப்பில், வங்கியின் பணப்புழக்க நிலை மற்றும் அதன் வைப்புத்தொகையாளர்களுக்கு செலுத்தும் திறன் ஆகியவற்றை மதிப்பாய்வு செய்த பின்னர் திரும்பப் பெறும் வரம்பை ரூ .25,000 முதல் ரூ .40,000 வரை உயர்த்த முடிவு செய்துள்ளதாக குறிப்பிட்டுள்ளது. அக்டோபர் 3-ம் தேதி, PMC வங்கி வைப்புத்தொகையாளர்கள் தங்கள் கணக்குகளில் உள்ள மொத்த நிலுவைத் தொகையில் ரூ .25,000 வரை திரும்பப் பெற ரிசர்வ் வங்கி அனுமதி அளித்தது குறிப்பிடத்தக்கது.