சுப்ரியா சுலே NCP-யில் ஒரு பெரிய பாத்திரத்தை வகிக்க வாய்ப்பு...

தேசியவாத காங்கிரஸ் கட்சியின் (NCP) தலைவர் ஷரத் பவருக்குப் பிறகு கட்சியில் இரண்டாவது இடத்தில் காணப்பட்ட அஜித் பவார் - கட்சிக்கு எதிராக கிளர்ச்சி செய்த நிலையில், சுப்ரியா சுலே NCP-யில் ஒரு பெரிய பாத்திரத்தை வகிக்க வாய்ப்புள்ளது.

Last Updated : Nov 25, 2019, 08:19 AM IST
  • தற்போதைய அரசியல் நெருக்கடி தனது கட்சியையும் குடும்பத்தினரையும் தாக்கியதால் "நான் முன்னணியில் இருந்து வழிநடத்துவேன்" என்று சூலே சமூக ஊடகங்களில் சூசகமாக இதுகுறித்து தெரிவித்துள்ளார்.
  • "கடந்த சில ஆண்டுகளில், சுப்ரியா முடிவெடுக்கும் பணியில் ஈடுபட்டுள்ளார் என்பது தெளிவாகத் தெரிகிறது. ஜெயந்த் பாட்டீலை மாநில பிரிவு தலைவராக நியமிக்க பவர்சாகேப் முடிவு செய்தபோது சுலே அங்கு ஒரு முக்கிய பங்கு வகித்தார்
சுப்ரியா சுலே NCP-யில் ஒரு பெரிய பாத்திரத்தை வகிக்க வாய்ப்பு...

தேசியவாத காங்கிரஸ் கட்சியின் (NCP) தலைவர் ஷரத் பவருக்குப் பிறகு கட்சியில் இரண்டாவது இடத்தில் காணப்பட்ட அஜித் பவார் - கட்சிக்கு எதிராக கிளர்ச்சி செய்த நிலையில், சுப்ரியா சுலே NCP-யில் ஒரு பெரிய பாத்திரத்தை வகிக்க வாய்ப்புள்ளது.

கட்சித் தலைவர் ஷரத் பவாரின் மகள் சுலே, 2006-ஆம் ஆண்டுக்கு முன்னர் அரசியலுக்கு அறிமுகமானார், அவர் மாநிலங்களவை இடைத்தேர்தலுக்கு கட்சியால் பரிந்துரைக்கப்பட்டார். பின்னர் 2009-இல், பவாரால் பிரதிநிதித்துவப்படுத்தப்பட்ட பரமதி மக்களவைத் தொகுதியை அவர் கைப்பற்றினார். அப்போதிருந்து அவர் பாரமதியை பிரதிநிதித்துவப்படுத்துகிறார், ஏனெனில் பவார் மாநிலங்களவைக்கு செல்ல விரும்பியதன் காரணமாக.

பவாரின் அரசியல் வாரிசாக அவர் காட்டப்படலாம் என்று யூகங்கள் இருந்தபோதிலும், அனைத்து நடைமுறை நோக்கங்களுக்காகவும் கட்சியில் இரண்டாவது இடத்தில் இருந்தவர் அஜித் தான். நிறுவன விஷயங்களை கையாள்வதில் இருந்து தேர்தல் மேலாண்மை வரை, அஜித் குறிப்பிடத்தக்க பங்கைக் கொண்டிருந்தார். 

கட்சி வேட்பாளர்களை தீர்மானிப்பதில் அவருக்கு ஒரு செல்வாக்கு இருந்தது. சமீபத்திய சட்டமன்றத் தேர்தல்களிலும், பல அஜித் ஆதரவாளர்களுக்கு கட்சி வாய்ப்பு வழங்கியது. அஜித்தின் இந்த இருப்பு சுலோவினை ஒருபோது காயப்படுத்தவில்லை.

இதனை வெளிப்படுத்தம் வகையிலேயே., பவார் பாராளுமன்ற உறுப்பினராக இருந்ததால் டெல்லியில் அவரது பங்கு இருப்பதாகவும், மகாராஷ்டிராவில் கட்சி விஷயங்களை அஜித் கவனித்து வருவதாகவும் சுலே அடிக்கடி வலியுறுத்தி வந்தார்.

இப்போது அஜித்தின் கிளர்ச்சியால் அனைத்து விஷயங்களும் மாறக்கூடிய நிலை ஏற்பட்டுள்ளது. இந்த நேரத்தில் அவர் கட்சிக்குத் திரும்புவாரா அல்லது தனது திட்டத்துடன் முன்னேறுவாரா என்பது தெளிவாகத் தெரியவில்லை. அவர் இருக்கும் இடத்திலேயே அவர் தங்கியிருந்தால், சுலே இப்போது பவாரின் அரசியல் வாரிசாகக் காணப்படுவார். ஒருவேலை அஜித் கட்சிக்குத் திரும்பினாலும், பவார் இப்போது அவரை நம்பாததால் அவர் கட்சியில் ஒரு பெரிய பாத்திரத்தை வகிப்பாரா என்ற கேள்விகுறி எழுந்துள்ளது.

"கடந்த சில ஆண்டுகளில், சுப்ரியா முடிவெடுக்கும் பணியில் ஈடுபட்டுள்ளார் என்பது தெளிவாகத் தெரிகிறது. ஜெயந்த் பாட்டீலை மாநில பிரிவு தலைவராக நியமிக்க பவர்சாகேப் முடிவு செய்தபோது சுலே அங்கு ஒரு முக்கிய பங்கு வகித்தார். அஜித் கட்சியில் இருந்து வெளியேறினால், அவர் நிச்சயமாக ஒரு பெரிய பாத்திரத்தை வகிப்பார். எதிர்வரும் நாட்களில் அவர் கட்சியில் இரண்டாமிடத்திற்கு உயர்த்தப்படலாம்,” என்று கட்சியின் வட்டாரங்கள் தெரிவிக்கின்றன. 

தற்போதைய அரசியல் நெருக்கடி தனது கட்சியையும் குடும்பத்தினரையும் தாக்கியதால் "நான் முன்னணியில் இருந்து வழிநடத்துவேன்" என்று சூலே சமூக ஊடகங்களில் சூசகமாக இதுகுறித்து தெரிவித்துள்ளார்.

1969-இல் பிறந்த சுப்ரியா நுண்ணுயிரியலில் பட்டம் பெற்றவர். அவரது திருமணத்திற்குப் பிறகு, அவர் தனது கணவர் சதானந்த் சுலேவின் தொழில் காரணமாக அமெரிக்காவிலும் பின்னர் சிங்கப்பூரிலும் தங்கியிருந்தார்.

இந்தியா திரும்பிய பிறகும், அவர் அரசியலில் ஆர்வம் காட்டவில்லை. அவர் கல்வி நடவடிக்கைகளில் ஈடுபட்டார், ஆனால் அது 2000-களின் நடுப்பகுதி வரை மட்டுமே. பின்னர் அவர் அரசியலில் தீவிரமாக ஆனார்.

எவ்வாறாயினும், கடந்த சில ஆண்டுகளில், அவர் கட்சியின் நிறுவன விஷயங்களில் மிகுந்த அக்கறை செலுத்தத் தொடங்கியுள்ளார். 2012-ஆம் ஆண்டில், அவர் இளம் பெண்களின் பிரிவான ராஷ்டிரவர்தி யுவதி காங்கிரஸை உருவாக்கி, மாநிலம் முழுவதும் ஒரு வலையமைப்பைக் கட்டினார். 2019 மக்களவைத் தேர்தலிலும் தீவிரமாக பிரச்சாரம் செய்தார். இத்தகு பலம் கொண்ட அவர் இப்போது NCP-ன் புதிய முகமாக முன்வந்தால் ஆச்சரியப்படுவதற்கில்லை.

More Stories

Trending News