குஜராத்தில் கொரோனா பரவுவதற்கு ‘நமஸ்தே டிரம்ப்’ நிகழ்ச்சி தான் காரணம் -காங்கிரஸ்!

கடந்த பிப்ரவரி 24-ஆம் தேதி பாஜக அரசு மாநிலத்தில் ஏற்பாடு செய்த 'நமஸ்தே டிரம்ப்' நிகழ்வு தான் மாநிலத்தில் கொரோனா வைரஸ் பரவுவதற்கு காரணம் என்று குஜராத் காங்கிரஸ் புதன்கிழமை குற்றம் சாட்டியது.

Updated: May 6, 2020, 10:20 PM IST
குஜராத்தில் கொரோனா பரவுவதற்கு ‘நமஸ்தே டிரம்ப்’ நிகழ்ச்சி தான் காரணம் -காங்கிரஸ்!

கடந்த பிப்ரவரி 24-ஆம் தேதி பாஜக அரசு மாநிலத்தில் ஏற்பாடு செய்த 'நமஸ்தே டிரம்ப்' நிகழ்வு தான் மாநிலத்தில் கொரோனா வைரஸ் பரவுவதற்கு காரணம் என்று குஜராத் காங்கிரஸ் புதன்கிழமை குற்றம் சாட்டியது.

இது குறித்து சிறப்பு புலனாய்வுக் குழு மூலம் சுயாதீன விசாரணை நடத்த தனது கட்சி விரும்புகிறது என்றும், அரசாங்கத்தின் "குற்றவியல் அலட்சியம்" க்கு எதிராக விரைவில் குஜராத் உயர் நீதிமன்றத்தை அணுகும் என்றும் மாநில காங்கிரஸ் தலைவர் அமித் சவ்தா தெரிவித்துள்ளார்.
 
இருப்பினும், மாநில பாஜக பிரிவு குற்றச்சாட்டை ஆதாரமற்றது என்று நிராகரித்தது, உலக சுகாதார அமைப்பு (WHO) COVID-19-ஐ ஒரு தொற்றுநோயாக அறிவிப்பதற்கு முன்பே இந்த நிகழ்வு ஏற்பாடு செய்யப்பட்டுள்ளது என்றும், மாநிலத்தில் முதல் கொரோனா வைரஸ் வழக்கு நிகழ்ச்சி நிகழ்ந்து கிட்டத்தட்ட ஒரு மாதத்திற்குப் பிறகு அறிவிக்கப்பட்டது எனவும் தெரிவித்துள்ளது.

பிப்ரவரி 24 அன்று, அமெரிக்க அதிபர் டொனால்ட் டிரம்ப், பிரதமர் நரேந்திர மோடியுடன் பங்கேற்ற அகமதாபாத் நிகழ்ச்சியில் ஆயிரக்கணக்கான மக்கள் கலந்து கொண்டனர்.

இந்த நிகழ்ச்சியின் பின்னர், இரு தலைவர்களும் குஜராத் கிரிக்கெட் சங்கம் நடத்தும் மோட்டேரா கிரிக்கெட் மைதானத்தில் ஒரு லட்சத்துக்கும் மேற்பட்ட மக்கள் கூட்டத்தில் உரையாற்றினர். எனினும் குஜராத் தனது முதல் கொரோனா வைரஸ் வழக்குகளை மார்ச் 20 அன்று தான் பதிவு செய்தது என மாநிக பாஜக பிரிவு குறிப்பிட்டுள்ளது.

சாவ்தா ஒரு வீடியோ செய்தியில், "ஜனவரி மாதத்திலேயே, கொரோனா வைரஸ் ஒருவரிடமிருந்து இன்னொருவருக்கு பரவுகிறது என்று WHO தெளிவாகக் கூறியது. பெரிய கூட்டங்களை ஏற்பாடு செய்வதைத் தவிர்க்குமாறு அனைத்து நாடுகளையும் அது கேட்டுக்கொண்டது. இதுபோன்ற எச்சரிக்கை இருந்தபோதிலும், 'நமஸ்தே டிரம்ப்' அரசியல் லாபங்களுக்காக திட்டமிடப்பட்டது, குஜராத் அரசாங்கமும் இதற்கு அனுமதி அளித்தது" என தெரிவித்துள்ளார்.

ட்ரம்பின் வருகைக்கு முன்னதாக ஆயிரக்கணக்கான வெளிநாட்டினர் அகமதாபாத்திற்கு வந்ததால் இந்த மெகா நிகழ்வு காரணமாக கொரோனா வைரஸ் குஜராத்தில் நுழைந்து மக்கள் மத்தியில் பரவியது என்று அவர் குற்றம் சாட்டினார்.

"தலைவர்களை வாழ்த்துவதற்காக மக்கள் சாலையில் தோளோடு தோள் நிற்குமாறு கேட்டுக்கொள்ளப்பட்டனர். லட்சக்கணக்கான மக்கள் பேருந்துகளில் மைதானத்திற்கு அழைத்து வரப்பட்டனர். இது வைரஸ் பரவத் தூண்டியது. இந்த நிகழ்வு ஒரு தவறான செயல் மட்டும் அல்ல, ஒரு கிரிமினல் அலட்சியம். ''நமஸ்தே டிரம்பின் நிகழ்வு சமூகம் வைரஸை பரப்புவதற்கு காரணமாக அமைந்தது,” என்றும் சவ்தா குற்றம் சாட்டியுள்ளார்.

"குஜராத் உயர்நீதிமன்றத்தில் ஒரு நீதித்துறை விசாரணையை கோரி நாங்கள் விரைவில் ஒரு மனுவை தாக்கல் செய்வோம் எனவும் அவர் தெரிவித்துள்ளார். இருப்பினும், குஜராத் பாஜக செய்தித் தொடர்பாளர் பிரசாந்த் வாலா இந்த குற்றச்சாட்டுகளை "ஆதாரமற்றது" என்று குறிப்பிட்டுள்ளார்.

குஜராத்தில் இதுவரை 6,245 கொரோனா தொற்று மற்றும் 368 இறப்புகள் பதிவாகியுள்ளன என்பது குறிப்பிடத்தக்கது.