close

News WrapGet Handpicked Stories from our editors directly to your mailbox

அனுஷ்காவின் ‘நிசப்தம்’ படத்தின் ஃபர்ஸ்ட் லுக் போஸ்டர் வெளியீடு!!

மாதவன், அனுஷ்கா, அஞ்சலி நடிப்பில் உருவாகி வரும் நிசப்தம் படத்தின் ஃபர்ஸ்ட் லுக் போஸ்டர் வெளியீடு!!

Updated: Sep 11, 2019, 01:37 PM IST
அனுஷ்காவின் ‘நிசப்தம்’ படத்தின் ஃபர்ஸ்ட் லுக் போஸ்டர் வெளியீடு!!

மாதவன், அனுஷ்கா, அஞ்சலி நடிப்பில் உருவாகி வரும் நிசப்தம் படத்தின் ஃபர்ஸ்ட் லுக் போஸ்டர் வெளியீடு!!

தமிழ், தெலுங்கு திரையுலகின் முன்னணி கதாநாயகியாக இருப்பவர் அனுஷ்கா. இவர் ரஜினிகாந்த், விஜய், அஜித்குமார், சூர்யா, விக்ரம், கார்த்தி ஆகிய முன்னணி நடிகர்களுடன் நடித்துள்ளார். அருந்ததி, பாகுபலி, ருத்ரமாதேவி உள்ளிட்ட கதாநாயகிக்கு முக்கியத்துவம் உள்ள படங்கள் அனுஷ்காவின் நடிப்பு திறமையை வெளிப்படுத்தின.

கடைசியாக அனுஷ்கா நடிப்பில் பாகமதி படம் வந்தது. அதன்பிறகு பட வாய்ப்புகள் இல்லை. உடல் எடை கூடி குண்டான தோற்றத்தில் இருந்ததால் அனுஷ்காவை ஒதுக்கினர். இதனால் கடும் உடற்பயிற்சிகள் செய்து எடை குறைந்து ஒல்லியான தோற்றத்துடன் புகைப்படத்தை சமூக வலைத்தளத்தில் வெளியிட்டார்.

அதன்பிறகு நிசப்தம் என்ற படத்தில் நடிக்க வாய்ப்பு கிடைத்தது. இதில் மாதவன், அஞ்சலி, ஷாலினி பாண்டே மற்றும் ஹாலிவுட் நடிகர்களும் நடித்து இருக்கிறார்கள். 4 இந்தியர்களுக்கும் அமெரிக்க போலீசுக்கும் நடக்கும் கிரைம் திகில் படமாக தயாராகி உள்ளது. அமெரிக்காவில் படப்பிடிப்பு நடந்து முடிந்துள்ளது. தமிழ், தெலுங்கு, இந்தி, ஆங்கிலம் உள்ளிட்ட பல மொழிகளில் இப்படம் திரைக்கு வருகிறது.

இந்நிலையில், நிசப்தம் படத்தின் பர்ஸ்ட் லுக் போஸ்டரை படக்குழு வெளியிட்டுள்ளது. வசனமே இல்லாத படம் என்பதால் அனைத்து மொழிகளிலும் வெளியிட படக்குழு முடிவு செய்துள்ளது. இப்படத்தில் அனுஷ்கா ஓவிய கலைஞராக நடித்துள்ளார்.