டெல்லி மற்றும் அதை ஒட்டிய பகுதிகளில் மோசமடைந்து வரும் காற்றின் தரத்தை கட்டுப்படுத்தும் கடைசி முயற்சியில், டெல்லி அரசாங்கத்தின் ஒற்றை-சமமான வாகன எண் திட்டம் திங்கள்கிழமை (நவம்பர் 4) முதல் நடைமுறைக்கு வந்தது.
இத்திட்டம் நவம்பர் 15 வரை நடைமுறையில் இருக்கும் என தெரிவிக்கப்பட்டுள்ளது. மேலும் இந்த நாட்களில் இது காலை 8 மணி முதல் இரவு 8 மணி வரை மட்டுமே செயல்படுத்தப்படும் என்பது குறிப்பிடத்தக்கது.
ஒற்றைப்படை-சம வாகன எண் திட்டத்தின் கீழ், ஒற்றைப்படை இலக்கத்துடன் (1, 3, 5, 7, 9) முடிவடையும் பதிவு எண்களைக் கொண்ட தனியார் வாகனங்கள் ஒற்றைப்படை தேதிகளில் சாலைகளில் அனுமதிக்கப்படும் மற்றும் சம இலக்கத்துடன் (0, 2, 4, 6) , 8) இருக்கும் வாகனங்கள் சமமான தேதிகளில் அனுமதிக்கப்படும். பிற மாநிலங்களின் பதிவு எண்களைக் கொண்ட வாகனங்களுக்கும் இந்த விதிகள் பொருந்தும்.
அக்டோபர் 17-ம் தேதி, டெல்லி முதல்வர் அரவிந்த் கெஜ்ரிவால் ஊடகங்களுடன் இதுதொடர்பான அறிவிப்பினை பகிர்ந்துக்கொண்டார். இதுகுறித்து அவர் தெரிவிக்கையில்., ஒற்றைப்படை-சமமான வாகன எண் திட்டம் "போக்குவரத்து வாகனம் அல்லாத நான்கு சக்கர வாகனங்களில்" மட்டுமே செயல்படுத்தப்படும். இரு சக்கர வாகனங்கள் மற்றும் அவசர வாகனங்கள் இத்திட்டத்திலிருந்து விலக்கு அளிக்கப்படும் என்று அறிவித்தார்.
முந்தைய இரண்டு முறைகளைப் போலவே, பெண்கள் தனியாக வாகனம் ஓட்டும் கார்கள், அனைத்து பெண்கள் மற்றும் 12 வயதுக்கு குறைவான குழந்தைகளுடன் வரும் பெண் ஓட்டுநர்கள் இத்திட்டத்திலிருந்து விலக்கு அளிக்கப்படுவார்கள். பள்ளி சீருடையில் குழந்தைகளை ஏற்றிச் செல்லும் வாகனங்களுக்கும் விலக்கு அளிக்கப்படும். மாற்றுத்திறனாளிகள் கொண்ட வாகனங்களுக்கும் விலக்கு அளிக்கப்படும்.
இந்தியாவின் ஜனாதிபதி மற்றும் துணைத் தலைவர், பிரதமர், ஆளுநர்கள், இந்தியாவின் தலைமை நீதிபதி, மக்களவை சபாநாயகர், நாடாளுமன்றத்தில் எதிர்க்கட்சித் தலைவர்கள், மத்திய அமைச்சர்கள், உச்ச நீதிமன்ற நீதிபதிகள், உயர் நீதிமன்ற நீதிபதிகள், முதலமைச்சர்கள், லெப்டினன்ட் கவர்னர்கள், யுபிஎஸ்சி தலைவர், துணைத் தலைவர் மாநிலங்களவை, மக்களவையின் துணை சபாநாயகர், லோகாயுக்தா உறுப்பினர்கள் மற்றும் பாதுகாப்பு வாகனங்கள் இத்திட்டத்திலிருந்து விலக்கு அளிக்கப்படும். இருப்பினும், டெல்லி முதல்வர் அரவிந்த் கெஜ்ரிவால் மற்றும் மாநில அமைச்சரவை உறுப்பினர்கள் இந்த திட்டத்திலிருந்து விலக்கப்பட மாட்டார்கள். இந்த முறை தனியாருக்குச் சொந்தமான CNG வாகனங்கள் திட்டத்திலிருந்து விலக்கு அளிக்கப்படாது.
இன்று முதல் நடைமுறைக்கு வந்துள்ள ஒற்றைப்படை சமமான திட்டத்தின் விதிகளை மீறுபவருக்கு ரூ.4,000 அபராதம் விதிக்கப்படும் என்றும் அறிவிக்கப்பட்டுள்ளது. ஒற்றைப்படை திட்டத்தின் போது டெல்லி மெட்ரோ கூடுதல் பயணங்களை எதிர்கொள்ளும் என எதிர்பார்க்கப்படுகிறது, எனவே பொது போக்குவரத்து முறையை அதிகரிக்க 2,000 தனியார் பேருந்துகளை நிறுத்த மாநில அரசு முடிவு செய்துள்ளது.
தலைநகர் டெல்லி தற்போது சுவாசிக்க முடியாமல் திணறி வருகிறது. உலகிலேயே காற்று மாசு அதிகமாக இருக்கும் நகரமாக டெல்லி உருவெடுத்துள்ளது. கடந்த சில தினங்களாக டெல்லியில் மாசு கலந்த பனிமூட்டம் நிலவி வருகிறது. இந்த நிலைமையை சமாளிக்க முடியாமல் அனைவரும் திணறும் நிலை உருவாகி உள்ளது. இதனால் சாலை விபத்துக்கள், ரயில் தாமதம், விமானங்கள் தரையிறங்க முடியாத நிலை ஏற்பட்டு வருகிறது. மேலும் காற்று மாசு அளவு ஆபத்து அளவை அங்கு எட்டி இருக்கிறது.
டெல்லியில் ஒட்டுமொத்த காற்றின் தரக் குறியீடு (AQI) ஞாயிற்றுக்கிழமை காலை 06:00 மணிக்கு 708-ஆக பதிவாகியிருந்தாலும், தேசிய தலைநகரின் சில பகுதிகளில், மாசு அளவு 'அதிர்ச்சியூட்டும்' 900 மதிப்பெண்ணை மீறியது.
இந்நிலையில் டெல்லியில் மோசமடைந்து வரும் காற்றின் தரத்தை கட்டுப்படுத்தும் கடைசி முயற்சியில், டெல்லி அரசாங்கத்தின் ஒற்றை-சமமான வாகன எண் திட்டத்தை தற்போது நடைமுறைக்கு கொண்டுவந்துள்ளது.
