இந்தியாவில் பிரயாக்ராஜில் நடக்கவிருக்கும் கும்பமேளா உலக அதிசயம் எனச் சொல்லலாம். இந்தமுறை ஏறக்குறைய நாற்பது கோடிப் பேர் இந்தக் கும்பமேளாவில் பங்கேற்பார்கள் எனக் கணக்கிட்டுள்ளார்கள். கங்கா, யமுனா, சரஸ்வதி என மூன்று நதிகள் சங்கமிக்கும் இடமான பிரயாக்ராஜில் உள்ள திரிவேணி சங்கமத்தில் 2025 ஆம் ஆண்டு ஜனவரி 13ம் தேதி முதல் பிப்ரவரி 26ம் தேதி வரை 45 நாட்களாக மிக விமர்சையாக கொண்டாடப்படும்.
உலகம் முழுவதிலுமிருந்து வரும் லட்சக்கணக்கான பக்தர்கள்
பன்னிரண்டு ஆண்டுகளுக்கு ஒருமுறை நடைபெறும் இந்த மாபெரும் நிகழ்வு, உலகம் முழுவதிலுமிருந்து லட்சக்கணக்கான பக்தர்கள், சன்யாசிகள் மற்றும் ஆன்மீகத்தில் நாட்டம் கொண்டவர்கள் இதில் கலந்து கொள்வார்கள். கங்கை, யமுனை மற்றும் சரஸ்வதி நதிகள் சங்கமிக்கும் இடத்தில் நடைபெறும் இந்த நிகழ்வு மிகவும் முக்கியமானது. மகாகும்ப மேளாவில் இந்த ஆண்டு உலகெங்கிலும் இருந்து வரும் ஆர்வலர்களில் சிறப்பு விருந்தினர் ஒருவரும் கலந்து கொள்வார். அவர் ஆப்பிள் நிறுவனர் ஸ்டீவ் ஜாப்ஸின் மனைவியும் கோடீஸ்வரருமான லாரன் பவல் ஜாப்ஸ். 'கல்பவாஸ்' என்ற பண்டைய இந்து பாரம்பரியத்தில் அவர் பங்கேற்பார்.
ஜனவரி 13ஆம் தேதி பிரயாக்ராஜ் சென்றடையும் ஸ்டீவ் ஜாப்ஸின் மனைவி
ஆப்பிள் நிறுவனர் ஸ்டீவ் ஜாப்ஸின் மனைவியும் கோடீஸ்வரருமான லாரன் பவல் ஜாப்ஸ் 2025ம் ஆண்டு நடைபெறும் மகாகும்ப மேளாவில் கலந்து கொள்கிறார். இந்த நிகழ்வு உலகம் முழுவதும் கவனத்தை ஈர்க்கும். ஜனவரி 13 ஆம் தேதி அவர் பிரயாக்ராஜை அடைந்து நிரஞ்சனி அகாராவின் மஹாமண்டலேஷ்வர் சுவாமி கைலாசானந்தின் முகாமில் தங்குவார் என்று தகவல்கள் தெரிவிக்கின்றன.
ஜனவரி 29 வரை கல்பவஸில் தங்கும் லாரன் பவல் ஜாப்ஸ்
பவல் ஜாப்ஸ் தனது இந்திய வருகையின் போது, ஜனவரி 29 ஆம் தேதி வரை கல்பவாஸில் தங்குவார், அங்கு அவர் சமய சடங்குகளில் பங்கேற்பார் மற்றும் திரிவேணி சங்கமத்தில் நீராடுவார். இத்தகைய பாரம்பரிய மற்றும் ஆன்மீக சடங்கில் பங்கேற்க அவர்கள் எடுத்த முடிவு மகா கும்பத்தின் உலகளாவிய முக்கியத்துவத்தை பிரதிபலிக்கிறது.
லாரன் பவல் ஜாப்ஸ் குறித்த விபரங்கள்
லாரன் பவல் ஜாப்ஸ் ஒரு பில்லியனர் தொழிலதிபர். அவர் தனது கணவர் ஸ்டீவ் ஜாப்ஸிடமிருந்து சொத்ததான ஆப்பிள் நிறுவனம் தவிர, பல சொத்துக்கள் கொண்டவர். பவல் ஜாப்ஸ் தனது நற்பணிகளுக்காக பிரபலமானவர். கல்வி, பொருளாதார இயக்கம், குடியேற்றம் மற்றும் சுற்றுச்சூழல் பிரச்சினைகளில் பணிபுரியும் எமர்சன் கலெக்டிவ் என்ற நிறுவனத்தை அவர் உருவாக்கியுள்ளார். அவர் 2021 இல் வேவர்லி ஸ்ட்ரீட் அறக்கட்டளையை உருவாக்கினார், இது காலநிலை தீர்வுகளை மேம்படுத்துவதற்காக வேலை செய்கிறது.
கல்பவஸில் மேற்கொள்ளப்படும் நடவடிக்கைகள்
மகாகும்பத்தின் மிக முக்கியமான பகுதி கல்பவஸ் ஆகும். இந்த பாரம்பரியம் மிகவும் பழமையானது மற்றும் மகாபாரதம் மற்றும் ராம்சரித்மனாஸ் போன்ற நூல்களில் குறிப்பிடப்பட்டுள்ளது. கல்பவாஸ் செய்பவர்கள் கல்பவாசிகள் என்று அழைக்கப்படுகிறார்கள். கல்பவாஸின் காலம் பவுஷ் பூர்ணிமா முதல் மாக் பூர்ணிமா வரை. கல்பவாஸ் செய்பவர்கள் சங்கத்திற்கு அருகில் எளிய கூடாரங்களில் வாழ்ந்து சுகபோக வாழ்க்கையைத் துறந்து விரதம் இருப்பார்கள். அவர்கள் தினமும் கங்கை நதியில் ஸ்நானம் செய்து, கீர்த்தனைகள் பாடி, மகான்களின் உபதேசங்களைக் கேட்பார்கள்.
மேலும் படிக்க | மகா கும்பமேளா வரலாறு, முக்கியத்துவம், முக்கிய தேதிகள்..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
