Exit Poll 2022: நாட்டின் மிகப்பெரிய ஊடகமான Zee Media மிகவும் துல்லியமான கருத்துக்கணிப்பை உங்களுக்கு வழங்குகிறது. தேர்தலுக்குப் பிந்தைய கருத்துக்கணிப்பு - 5 மாநிலங்களிலும் விரிவாக மேற்கொள்ளப்பட்டது. எந்தக் கட்சி எந்த மாநிலத்தில் ஆட்சி அமைக்க வாய்ப்புள்ளது என்பதை மிகத் துல்லியமாக அளித்து உள்ளோம்.
தேர்தல் நடந்த ஐந்து மாநிலங்களில், கோவா மற்றும் உத்தரகாண்ட் பிப்ரவரி 14 அன்று ஒரே கட்டமாக வாக்கு பதிவு நடைபெற்றது. கோவாவில் 40 சட்டசபை தொகுதியும், உத்தரகண்டில் 70 சட்டசபை தொகுதியும் உள்ளன. மறுபுறம், பஞ்சாப் மாநிலத்தில் உள்ள 117 இடங்களுக்கு பிப்ரவரி 20 அன்று ஒரே கட்டமாக தேர்தல் நடைபெற்றது. மணிப்பூரில் பிப்ரவரி 28 மற்றும் மார்ச் 5 என இரண்டு கட்டங்களாக வாக்குப்பதிவு நடைபெற்றது. அதேபோல உத்தரபிரதேசத்தில் மொத்தமுள்ள 403 தொகுதிகளுக்கான வாக்குப்பதிவு 7 கட்டங்களாக நடைபெற்றது.
