வலுவான எலும்புகளுக்கு காளான், ப்ரோக்கோலி இன் நன்மைகள்: உடலின் ஒட்டுமொத்த ஆரோக்கியத்தைப் பொறுத்தவரை, வலுவான எலும்புகளைக் கொண்டிருப்பது மிகவும் முக்கியம். வயது அதிகரிக்கும் போது, இது குறித்து அதிக விழிப்புணர்வு தேவை. எலும்புகளை வலுப்படுத்த, கால்சியம், வைட்டமின் டி, மெக்னீசியம் மற்றும் பிற எலும்புகளை ஆதரிக்கும் சத்துக்கள் அடங்கிய சரிவிகித உணவை உண்பது சிறந்தது. இது எலும்பு இழப்பைத் தடுக்கவும் ஆஸ்டியோபோரோசிஸ் அபாயத்தைக் குறைக்கவும் உதவும். இந்த கட்டுரையில், அத்தகைய உணவுப் பொருட்களைப் பற்றி அறிந்து கொள்வோம், அவற்றை உட்கொள்வதால் எலும்புகள் எப்படி வலுவடையும் என்பதையும் தெரிந்துக்கொள்வோம்.
எலும்புகளை வலுப்படுத்த காளான், ப்ரோக்கோலி:
காளான்: காளான் (Mushrrom) பல ஊட்டச்சத்துக்கள் நிறைந்த ஒரு சுவையான காய்கறியாகும், இது பல வகையான சமையல் குறிப்புகளில் பயன்படுத்தப்படுகிறது. காளான் சாப்பிடுவதற்கு மிகவும் சுவையாக இருப்பதைத் தவிர, உடலை ஆரோக்கியமாகவும், கட்டுக்கோப்பாகவும் மாற்ற உதவுகிறது. காளான்களில் சோடியம் மற்றும் கொழுப்பு மிகக் குறைவு, எனவே உடல் எடையை குறைக்கும் போது இது ஆரோக்கியமான மற்றும் சுவையான விருப்பமாகும். காளான்களை தேர்ந்தெடுக்கும்போது நீங்கள் எப்போதும் கவனமாக இருக்க வேண்டும், ஏனெனில் பல வகையான காளான்கள் உள்ளன, அவற்றில் சில விஷமாக இருக்கலாம். அவற்றை உட்கொள்வதன் மூலம் நீங்கள் பிரச்சனைகளை சந்திக்க நேரிடலாம், எனவே நீங்கள் ஃபிரெஷ் காளான்களைப் பயன்படுத்த வேண்டும் மற்றும் சாப்பிடுவதற்கு முன் அவற்றை வெதுவெதுப்பான நீரில் கழுவ வேண்டும்.
காளான் சாப்பிடுவதால் கிடைக்கும் நன்மைகள்:
* காளான்களில் தாமிரம் ஏராளமாக உள்ளது, இது எலும்புகளை வலுவாக வைத்திருக்க மிகவும் முக்கியமானது. இரத்த சிவப்பணுக்களை உருவாக்குவதில் இது நன்மை பயக்கும், இது முழு உடலுக்கும் ஆக்ஸிஜனை வழங்க வேலை செய்கிறது.
மேலும் படிக்க | கொய்யா பழம் சாப்பிட்டால் தோலுக்கு இவ்வளவு நன்மை கிடைக்குமா?
* காளானில் உள்ள ஆன்டி-ஆக்ஸிடன்ட்டுகள், எலும்புகள் பலவீனமடைதல் அல்லது உடலின் நோய் எதிர்ப்புச் சக்தி குறைதல் போன்ற வயது அதிகரிக்கும் பிரச்சனைகளில் இருந்து உடலைப் பாதுகாக்கிறது.
ப்ரோக்கோலி: முட்டைக்கோஸ் போல தோற்றமளிக்கும் ப்ரோக்கோலி (Broccoli) உண்மையில் பல ஆரோக்கிய பண்புகள் நிறைந்தது. ப்ரோக்கோலியில் உங்கள் உடலுக்குத் தேவையான ஏராளமான ஊட்டச்சத்துக்கள் உள்ளன. இது முட்டைக்கோஸ் குடும்பத்தைச் சேர்ந்தது, ப்ரோக்கோலியில் வைட்டமின்கள் மற்றும் தாதுக்கள் நிறைந்துள்ளன, அதனால்தான் இது ஒரு சூப்பர் உணவாக பார்க்கப்படுகிறது. ப்ரோக்கோலியில் நார்ச்சத்து அதிகம் உள்ளது மற்றும் கலோரிகள் குறைவாக உள்ளது, ப்ரோக்கோலியில் உள்ள கால்சியம் மற்றும் வைட்டமின் சி உடலின் மெட்டபாலிசத்தை அதிகரிக்க உதவுகிறது. மேலும் இது உடலை ஆரோக்கியமாக வைத்திருக்க உதவுகிறது. இது பெரும்பாலும் சாலட் அல்லது சூப் வடிவில் உட்கொள்ளப்படுகிறது. புரதம், கால்சியம், இரும்பு, துத்தநாகம், செலினியம், வைட்டமின் ஏ மற்றும் சி போன்ற பல சத்துக்கள் இதில் காணப்படுகின்றன. இது ஆன்டி-ஆக்ஸிடன்ட், புற்றுநோய் எதிர்ப்பு மற்றும் அழற்சி எதிர்ப்பு போன்ற பண்புகளையும் கொண்டுள்ளது. இவை பல உடல்நல பிரச்சனைகளை நீக்க உதவுகின்றன.
எலும்பு ஆரோக்கியத்தை மேம்படுத்த உதவும் ப்ரோக்கோலி:
கால்சியம் மற்றும் வைட்டமின் கே நிறைந்துள்ள ப்ரோக்கோலி உங்கள் எலும்பு ஆரோக்கியத்தை (Bone Health) மேம்படுத்த மிகவும் பயனுள்ளதாக இருக்கும். ப்ரோக்கோலியை தொடர்ந்து சாப்பிடுவது எலும்புகளின் ஆரோக்கியத்தை மேம்படுத்துவதோடு, எலும்பு தொடர்பான பிரச்சனைகளைத் தடுக்கிறது. இது துத்தநாகம் மற்றும் மெக்னீசியம் போன்ற ஊட்டச்சத்துக்களில் நிறைந்துள்ளது, இது வயதான காலத்தில் கூட உங்கள் எலும்புகளை ஆரோக்கியமாகவும் வலுவாகவும் வைத்திருக்கும்.
மேலும் படிக்க | Weight Loss Tips: உடல் எடையை குறைக்கும் போது இந்த 3 தவறுகளை செய்ய வேண்டாம்!
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
