புதுடெல்லி: 2021ம் ஆண்டின் கடைசி மாதம் அதாவது டிசம்பர் மாதம் (December 2021) இது. அதன்படி இந்த மாத இறுதிக்குள், அதாவது டிசம்பர் 31ஆம் தேதிக்குள் நாம் செய்ய வேண்டிய பல முக்கியமான பணிகள் உள்ளன. இந்த பணிகளை உரிய தேதிக்கு முன் முடிக்காவிட்டால், பெரும் நஷ்டத்தை சந்திக்க நேரிடும். நீங்கள் இதுவரை வருமான வரிக் கணக்கை தாக்கல் செய்யவில்லை என்றால், டிசம்பர் 31 ஆம் தேதிக்குள் செய்யுங்கள். அதே நேரத்தில், இபிஎஃப்ஓவும் பிஎஃப் கணக்கு வைத்திருப்பவர்களுக்கு இந்த மாத இறுதி வரை மட்டுமே நாமினியைச் சேர்க்க கால அவகாசம் வழங்கியுள்ளது. இந்த மாத இறுதிக்குள் நீங்கள் செய்ய வேண்டிய பணிகள் என்ன என்பதை இங்கே விரிவாக தெரிந்துக்கொள்ளுங்கள்.
வருமான வரி கணக்கு தாக்கல்
2020-21 நிதியாண்டிற்கான வருமான வரிக் கணக்கை (ITR) தாக்கல் செய்வதற்கான கடைசி தேதி டிசம்பர் 31 ஆகும். வரி நிபுணர்களின் கூற்றுப்படி, காலக்கெடுவிற்கு முன் ITR தாக்கல் செய்வது அபராதங்களில் இருந்து உங்களை காப்பாற்றுவதோடு மட்டுமல்லாமல், பல நன்மைகளையும் கொண்டு வரும். நிலுவைத் தேதிக்கு முன் ITR தாக்கல் செய்யாவிட்டால், அதிக அபராதம் செலுத்த வேண்டியிருக்கும். நீங்கள் சரியான நேரத்தில் வருமான வரிக் கணக்கை (ITR) தாக்கல் செய்திருந்தால், நோட்டீஸ் கிடைக்கும் என்ற பயம் உங்களுக்கு இருக்காது.
ALSO READ | December 31-க்குள் இந்த பணிகளை செய்து முடிக்கவும்: இல்லையென்றால், வீண் பண விரயம்
PF கணக்கு வைத்திருப்பவர்களுக்கு நாமினி அவசியம்
பணியாளர் வருங்கால வைப்பு நிதி அமைப்பு (EPFO) அனைத்து PF கணக்கு வைத்திருப்பவர்களையும் நாமினியைச் சேர்க்குமாறு கேட்டுக் கொண்டுள்ளது. EPFO நாமினிகளைச் சேர்ப்பதற்கான கடைசித் தேதியாக டிசம்பர் 31, 2021 நிர்ணயித்துள்ளது. டிசம்பர் 31 ஆம் தேதிக்குள் உங்கள் PF கணக்கில் நாமினியைச் சேர்க்கவில்லை என்றால், நீங்கள் பல சிரமங்களைச் சந்திக்க வேண்டியிருக்கும். EPFO இன் தளத்தைப் பார்வையிடுவதன் மூலம் இந்த வேலையை ஆன்லைனில் எளிதாகச் செய்து முடிக்கலாம்.
உண்மையில், EPF உறுப்பினர் மரணம் அடைந்தால், பிஎஃப் பணம், பணியாளர் ஓய்வூதியத் திட்டம் (EPS) மற்றும் பணியாளர் டெபாசிட் இணைக்கப்பட்ட காப்பீட்டுத் திட்டம் (EDLI) ஆகியவற்றின் பலன்களை எளிதாகப் பெறுவதற்கு நியமனம் உதவுவதால் இந்த விதி உருவாக்கப்பட்டது.
ஆயுள் சான்றிதழை சமர்ப்பிப்பதற்கான காலக்கெடு
ஓய்வூதியம் பெறுவோர் ஒவ்வொரு ஆண்டும் ஆயுள் சான்றிதழை (Life Certificate) சமர்ப்பிக்க வேண்டும். அவ்வாறு செய்யத் தவறினால் ஓய்வூதியத்தை இழக்க நேரிடும். அரசு ஓய்வூதியம் பெறுபவர்கள், வாழ்க்கைச் சான்றிதழைச் சமர்ப்பிப்பதற்கான காலக்கெடு நவம்பர் 30 ஆக இருந்தது. இது 31 டிசம்பர் 2021 வரை நீட்டிக்கப்பட்டுள்ளது.
இந்த காலக்கெடு நீட்டிக்கப்பட்டுள்ளதால், இதுவரை ஆயுள் சான்றிதழை சமர்ப்பிக்காத அரசு ஓய்வூதியர்களுக்கு (Govt Pensioners) பெரும் நிம்மதி ஏற்பட்டுள்ளது. தற்போது சான்றிதழை சமர்ப்பிக்க மேலும் 30 நாட்கள் அவகாசம் உள்ளது. எனினும், சில ஓய்வூதியதாரர்களுக்கு எந்த காலக்கெடுவும் இல்லை. சமீபத்தில் EPFO இதை தெளிவுபடுத்தியுள்ளது.
குறைந்த வட்டியில் வீட்டுக் கடன் கிடைக்கும்
பாங்க் ஆஃப் பரோடா (Bank Of Baroda) பண்டிகைக் காலத்தில் வீட்டுக் கடன் வட்டி விகிதத்தை 6.50% ஆகக் குறைத்துள்ளது என்பது குறிப்பிடத்தக்கது. அதாவது, இப்போது நீங்கள் குறைந்த விலையில் வீட்டுக் கடனைப் பெறலாம். மேலும் மிக முக்கியமான விஷயம் என்னவென்றால், புதிய கடனைத் தவிர, புதிய வட்டி விகிதத்தின் பலன் மற்ற வங்கியிலிருந்து மாற்றப்பட்ட வீட்டுக் கடனுக்கும் கிடைக்கும். ஆனால் இந்த சலுகையின் பலனை நீங்கள் டிசம்பர் 31 வரை பெறுவீர்கள். அத்தகைய சூழ்நிலையில், நீங்களும் வீட்டுக் கடன் வாங்க திட்டமிட்டிருந்தால், டிசம்பர் 31 வரை அதற்கு விண்ணப்பிக்கலாம்.
ALSO READ | ITR Filing: இவர்கள் ITR தாக்கல் செய்ய வேண்டாம், நிபந்தனைகளும் விதிமுறைகளும் இவைதான்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.
Android Link: https://bit.ly/3hDyh4G
Apple Link: https://apple.co/3loQYeR
