ஜூலை 2023 இல் எதிர்பார்க்கப்படும் டிஏ உயர்வு: மத்திய அரசு ஊழியர்களின் அடுத்த அகவிலைப்படி 6 மாதங்களுக்குப் பிறகு அதிகரிக்கும். ஆனால், அதற்கான ஏற்பாடுகள் ஏற்கனவே தொடங்கிவிட்டன. ஜூலை 1, 2023 முதல் செயல்படுத்தப்படும் அடுத்த அகவிலைப்படி அதிகரிப்பு எந்த அளவில் இருக்கும் என்பதை தோராயமாக காட்டும் எண்கள் வந்துள்ளன. எனினும், இந்த எண்களை மட்டும் வைத்துக்கொண்டு முழுமையான உயர்வு எவ்வளவு இருக்கும் என்பதை தெளிவாக குறிப்பிட முடியாது.
தற்போது, மத்திய அரசு ஊழியர்களின் அகவிலைப்படி 42 சதவிகிதமாக உள்ளது. இது ஜனவரி 2023 முதல் நடைமுறைப்படுத்தப்பட்டுள்ளது. ஏப்ரல் மாத சம்பளத்தில் இது வழங்கப்படும். இந்த நிலையில் அடுத்த டிஏ உயர்வு குறித்த விவாதங்களும் துவங்கியுள்ளன. 7வது ஊதியக் குழுவின் பரிந்துரையின்படி, 6 மாதங்களுக்கு ஒருமுறை டிஏ திருத்தம் செய்யப்படுகிறது. இப்போது புதிய அகவிலைப்படிக்கான புதிய கணக்கீடு ஏப்ரல் 28 மாலை வரும். இதையடுத்து அடுத்த முறை அகவிலைப்படியில் எவ்வளவு அதிகரிப்பு இருக்கும் என்பது குறித்து இன்னும் அதிக தெளிவு கிடைக்கும்.
எதன் அடிப்படையில் அகவிலைப்படி ஜூலையில் அதிகரிக்கும்
அகவிலைப்படியில் என்ன திருத்தம் நடந்தாலும், அது 6 மாத சிபிஐ-ஐடபிள்யூ குறியீட்டை அடிப்படையாகக் கொண்டு செய்யப்படுகின்றது. இப்போது அகவிலைப்படி அதிகரிப்பு ஜனவரி முதல் அமலுக்கு வருகிறது. அடுத்த அதிகரிப்பு ஜூலை 1, 2023 முதல் அமல்படுத்தப்பட உள்ளது. அதாவது, ஜனவரி 2023 முதல் ஜூன் 2023 வரை வரும் AICPI-IW இன் புள்ளிவிவரங்கள், ஜூலையில் எவ்வளவு அகவிலைப்படி உயரும் என்பதைத் தீர்மானிக்கும். இதுவரை அகவிலைப்படி குறியீட்டு அடிப்படையில் 43.79ஐ எட்டியுள்ளது. அதாவது பிப்ரவரி வரை 44 சதவீத அகவிலைப்படி நிர்ணயிக்கப்பட்டுள்ளது. இப்போது அடுத்த எண் அதாவது மார்ச் மாதத்தின் எண்ணிக்கை ஏப்ரல் 28 மாலை வரும்.
மேலும் படிக்க | 8th Pay Commission மெகா அப்டேட்: விரைவில் வருகிறது 44% ஊதிய உயர்வு!!
இப்போது டிஏ மதிப்பெண் என்ன?
பிப்ரவரியில் குறியீட்டு எண்ணிக்கை 132.8 லிருந்து 132.7 ஆக குறைந்துள்ளது. ஆனால், டிஏ மதிப்பெண்ணில் சிறிது உயர்வு ஏற்பட்டு, 43.79 ஆக அதிகரித்துள்ளது. இதிலிருந்து அகவிலைப்படி 44% எட்டியுள்ளது என்பது தெளிவாகிறது. மார்ச் 2023க்கான தரவு ஏப்ரல் 28 மாலை வரும். இது மேலும் அதிகரிக்கும் என எதிர்பார்க்கப்படுகிறது. டிஏ மதிப்பெண் 44 சதவீதத்தைத் தாண்டும். இருப்பினும், இதற்குப் பிறகு ஏப்ரல், மே மற்றும் ஜூன் மாதங்களின் CPI-IW எண்களும் அதில் சேர்க்கப்படும். இதற்குப் பிறகுதான் அகவிலைப்படி மற்றும் அகவிலை நிவாரணத்திற்கான அதிகரிப்பு எவ்வளவு இருக்கும் என்பது முடிவு செய்யப்படும். ஜூலையிலும் அகவிலைப்படி 4% அதிகரிக்கும் என்று நிபுணர்கள் எதிர்பார்க்கின்றனர்.
அகவிலைப்படியில் எவ்வளவு ஏற்றம் இருக்கும்?
7வது ஊதியக் குழுவின் கணக்கீட்டின் அடிப்படையில், ஜூலை 1, 2023 முதல் பொருந்தக்கூடிய அகவிலைப்படியில் 4% அதிகரிப்பு இருக்கலாம். வரும் மாதங்களில் குறியீட்டு எண் மாறாமல் 132.7 ஆக இருந்தாலும், டிஏவில் குறைந்தது 3% அதிகரிப்பு இருக்கும் என நிபுணர்கள் நம்புகின்றனர். இருப்பினும், குறியீட்டு எண் ஒரே மாதிரியாக இருப்பது சாத்தியமில்லை. ஜூலை முதல் அகவிலைப்படி 42 சதவீதத்தில் இருந்து 46 சதவீதமாக உயரும் என எதிர்பார்க்கப்படுகிறது.
புதிய தரவு ஏப்ரல் 28 அன்று வரும்
தொழிலாளர் அமைச்சகத்தின் தொழிலாளர் பணியகத்தின் AICPI-IW (அனைத்து இந்திய நுகர்வோர் விலைக் குறியீடு - தொழில்துறை தொழிலாளர்கள்) புள்ளிவிவர எண்கள் ஒவ்வொரு மாதத்தின் கடைசி தேதியில் (கடைசி வேலை நாள்) வழங்கப்படும். இதில், பல்வேறு தொழில்துறை பகுதிகளில் இருந்து பல பொருட்களின் தரவுகளை பணியகம் சேகரிக்கிறது. இதன் அடிப்படையில் பணவீக்கம் ஒப்பிடப்படுகிறது. இந்த எண்ணின் அடிப்படையில் மேலும் கணக்கீடு செய்யப்படும்.
மேலும் படிக்க | மாநில அரசு ஊழியர்களுக்கு இரட்டை நற்செய்தி: டிஏ ஹைக்குடன் இதுவும் கிடைக்கும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
