சரத்குமார், விக்ரம் பிரபு நடிப்பில் வானம் கொட்டட்டும் Firstlook!

மணிரத்னம் தயாரிப்பில் விக்ரம்பிரபு, ஐஸ்வர்யா ராஜேஷ், மடோனா நடிப்பில் உருவாகி வரும் ‘வானம் கொட்டட்டும்’ படத்தின் முதல் பார்வை போஸ்டர் வெளியாகியுள்ளது.

Updated: Nov 13, 2019, 11:36 AM IST
சரத்குமார், விக்ரம் பிரபு நடிப்பில் வானம் கொட்டட்டும் Firstlook!

மணிரத்னம் தயாரிப்பில் விக்ரம்பிரபு, ஐஸ்வர்யா ராஜேஷ், மடோனா நடிப்பில் உருவாகி வரும் ‘வானம் கொட்டட்டும்’ படத்தின் முதல் பார்வை போஸ்டர் வெளியாகியுள்ளது.

இயக்குநர் மணிரத்னத்தின் மெட்ராஸ் டாக்கீஸ் நிறுவனம் மற்றும் லைக்கா புரடக்க்ஷன்ஸ் தயாரிப்பில் உருவாகி வரும் திரைப்படம் ‘வானம் கொட்டட்டும்’. இப்படத்தின் இறுதி கட்ட பணிகள் முழுவீச்சில் நடைப்பெற்று வருகிறது. குடும்ப உறவுகளின் முக்கியத்துவத்தை உணர்த்தும் இத்திரைப்படத்தில் விக்ரம் பிரபு, ஐஸ்வர்யா ராஜேஷ், மடோனா செபாஸ்டியன், சரத்குமார், ராதிகா சரத்குமார், நந்தா, சாந்தனு, அமித்ஷா பிரதான் மற்றும் பலர் நடிக்க தனா இயக்குகிறார். இப்படத்திற்கு சித் ஸ்ரீராம் இசையமைத்து வருகின்றார்.

சென்னை, திருநெல்வேலி, குற்றாலம் மற்றும் தமிழ்நாட்டின் தென் பகுதிகளில் படத்தில் படப்பிடிப்பு நடத்தப்பட்டுள்ளது. சமீபத்தில் இப்படத்தின் தலைப்பு வெளியான நிலையில், அடுத்ததாக முதல்பார்வை போஸ்டரை 13-ஆம் தேதி காலை 11 மணிக்கு வெளியிட இருப்பதாக படக்குழுவினர் அறிவித்திருந்தனர்.

இந்நிலையில் தற்போது இத்திரைப்படத்தின் முதல் பார்வை போஸ்டரினை படக்குழுவினர் வெளியிட்டுள்ளனர்.

அதேவேளையில், முதல் பாடல், இரண்டாவது பாடல், டீசர், டிரைலர் மற்றும் இசை வெளியீடு ஆகியவை விரைவில் அறிவிக்கப்படும் எனவும் தெரிவிக்கப்பட்டுள்ளது. இறுதி கட்ட பணிகள் முடிந்து இத்திரைப்படம் வரும் 2020-ஆம் ஆண்டு ஜனவரியில் வெளியாக இருப்பது குறிப்பிடத்தக்கது.