கேஜிஎஃப் படத்தின் இரண்டாம் பாகம் கடந்த 14ஆம் தேதி வெளியானது. பான் இந்தியா படமாக வெளியான இப்படம் மாபெரும் வெற்றி பெற்றுள்ளது. குறிப்பாக இந்தி பேசும் மாநிலங்களில் 400 கோடி ரூபாய்க்கும் மேல் வசூல் செய்துள்ள இப்படம் உலகளவில் 1000 கோடி ரூபாய்க்கும் வசூலித்துள்ளது. இதனால் படத்தின் ஹீரோவான யாஷும், இயக்குநருமான பிரசாந்த் நீலும் தங்களது கரியரில் அடுத்தக்கட்டத்துக்கு நகர்ந்திருக்கின்றனர்.
திரையரங்குகளில் மட்டுமின்றி ஓடிடி விற்பனையிலும் கேஜிஎஃப் 2 சாதனை படைத்துள்ளதாக கூறப்படுகிறது. மேலும், கேஜிஎஃப் இரண்டாம் பாகத்தின் இறுதி காட்சியில் மூன்றாம் பாகம் வரவிருக்கிறது என்பது கூறப்பட்டிருந்ததால் ரசிகர்கள் உற்சாகமடைந்தனர். மூன்றாம் பாகத்திற்கான பணிகளும் தொடங்கிவிட்டதென கேஜிஎஃப்பின் இரண்டு பாகங்களை தயாரித்த தயாரிப்பாளரும் கூறியிருந்தார்.
இரண்டாம் பாகம் ஹாலிவுட் தரத்தில் இருந்ததால் மூன்றாம் பாகமும் அதேபோல மிக சிறப்பாக இருக்கும் என ரசிகர்கள் எதிர்பார்த்திருக்கின்றனர். மேலும், பிரசாந்த் நீல் கர்நாடகம் மட்டுமின்றி அனைத்து மொழிகளிலும் படங்களை இயக்க வேண்டுமெனவும் அவர்கள் கூறிவருகின்றனர்.
இந்நிலையில் கேஜிஎஃப் 2 படத்தின் மேக்கிங் வீடியோ வெளியாகியுள்ளது. ஏற்கனவே படத்தின் கலை மற்றும் ஒளிப்பதிவு ப்ரிவு சார்பில் மேக்கிங் வீடியோ வெளியான சூழலில் தற்போது இயக்குநர் பிரிவு சார்பாக இந்த மேக்கிங் வீடியோ வெளியிடப்பட்டுள்ளது. 7 நிமிடங்கள் ஓடும் இந்த மேக்கிங் வீடியோவை ரசிகர்கள் பலரும் சமூக வலைதளங்களில் பகிர்வதால் இந்த வீடியோ வைரலாகிவருகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYe
