கோலிவுட்டின் இயக்குநர்களில் வெங்கட் பிரபு குறிப்பிடத்தகுந்தவர். சென்னை 28 என்ற படம் மூலம் இயக்குநராக அறிமுகமான வெங்கட் பிரபு தனது முதல் படத்திலேயே படு ஜாலியாக திரைக்கதை அமைத்து கவனம் ஈர்த்தார்.
அந்தப் படம் மிகப்பெரிய வெற்றியை பெற்றதை அடுத்து அவர் இயக்கிய படங்களில் பிரியாணி, மாசு என்கிற மாசிலாமணி படங்களை தவிர்த்து மற்ற படங்களுக்கு ரசிகர்களிடையே வரவேற்பு இருந்தது.
மேலும் படிக்க | ரன்பீர் கபூர் மற்றும் ஆலியா பட் திருமண தேதி அறிவிப்பு!
குறிப்பாக அவர் சமீபத்தில் இயக்கிய மாநாடு திரைப்படம் மிகப்பெரிய வெற்றியடைந்தது. டைம் லூப் கான்செப்ட்டை ரசிகர்களுக்கு புரியும்படி நேர்த்தியாக இயக்கியிருந்த வெங்கட் பிரபுவுக்கு பல்வேறு தரப்பிலிருந்து பாராட்டுகள் குவிந்தன. சிம்புவுக்கு அந்தப் படம் பக்கா கம்பேக் படமாகவும் அமைந்தது.
இதனையடுத்து அவர் அசோக் செல்வனை வைத்து மன்மத லீலை என்ற படத்தை இயக்கினார். கடந்த ஒன்றாம் தேதி வெளியான இப்படத்துக்கும் ரசிகர்களிடம் வரவேற்பு இருந்தது.
மேலும் படிக்க | பூஜையுடன் தொடங்கியது தளபதி 66 - ஒருவாரம் சென்னையில் படப்பிடிப்பு
இந்நிலையில் தெலுங்கு - தமிழ் ஆகிய மொழிகளில் வெங்கட் பிரபு படம் இயக்க இருக்கிறார் என தகவல் வெளியானது. இந்தச் சூழலில் நாக சைதன்யாவை வைத்து வெங்கட் பிரபு இயக்கவிருக்கும் படம் குறித்த அதிகாரப்பூர்வ அறிவிப்பு வெளியாகியுள்ளது.
அதுதொடர்பான புகைப்படத்தை இயக்குநர் வெங்கட் பிரபு தனது ட்விட்டர் பக்கத்தில் பகிர்ந்துள்ளார். இந்தப் படத்தை ஸ்ரீனிவாசா சில்வர் ஸ்க்ரீன் சார்பில் ஸ்ரீனிவாச சித்தூரி தயாரிக்கிறார். வெங்கட் பிரபுவுக்கு இது முதல் பை லிங்குவல் படம் என்பதும் நாக சைதன்யா நடிக்கும் முதல் தமிழ் படம் இது என்பதும் குறிப்பிடத்தக்கது.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
