வாரத்திற்கு இரண்டு முறை சாப்பிடாமல் விரதம் இருப்பது கலோரிகள் அதிகம் உடலில் சேர்வது குறைக்கிறது, இது எடை இழப்புக்கு உதவும். நீங்கள் உண்ணாவிரதம் இருக்கும் போது, உடல் ஆற்றலுக்காக சேமிக்கப்பட்ட கொழுப்பைப் பயன்படுத்தத் தொடங்குகிறது. இது கொழுப்பு குறைவதற்கும் எடை இழப்புக்கும் வழிவகுக்கிறது
உண்ணாவிரதத்தின் போது வயிற்றை காலியாக வைத்திருப்பது செரிமான செயல்முறையை துரிதப்படுத்துகிறது. வளர்சிதை மாற்றத்தை மேம்படுத்துகிறது, இது கொழுப்பை எரிக்க உதவுகிறது.
சாப்பிடாமல் இருப்பது என்பது உடலின் நச்சுத்தன்மை நீக்குவதை மேம்படுத்துகிறது. இந்த நேரத்தில் உணவு மற்றும் பானங்கள் மூலம் நம் உடலில் சேரும் நச்சுகளை அகற்ற உடலுக்கு நேரம் கிடைக்கிறது. இந்த செயல்முறை நமது சருமத்தை சுத்தமாகவும், பளபளப்பாகவும் மாற்றும்.
சாப்பிடாமல் விரதம் இருக்கும்போது, உடலின் செரிமான அமைப்பு ஓய்வெடுக்கிறது. அது தன்னை மறுசீரமைக்கவும் சுத்தப்படுத்தவும் நேரம் கொடுக்கிறது. இது செரிமான சக்தியை அதிகரிக்க உதவுகிறது. வாயு, அமிலத்தன்மை போன்ற பிரச்சனைகளில் இருந்து நிவாரணம் அளிக்கிறது. வாரம் இருமுறை உண்ணாவிரதம் இருப்பதாலும் வயிற்றுப் பிரச்சனைகள் சரியாகும்.
உண்ணாவிரதம் மூளையின் செயல்பாட்டையும் மேம்படுத்துகிறது. இது மூளையில் நரம்பியக்கடத்திகளின் உற்பத்தியை அதிகரிக்கிறது. இது மன தெளிவையும் கவனத்தையும் அதிகரிக்கிறது. இது தவிர, விரதம் இருக்கும்போது மன அமைதி கிடைக்கும். இது மன அழுத்தம் மற்றும் கவலை அளவுகளை குறைக்கிறது.
சாப்பிடாமல் இருக்கும் விரதம் உடலின் நோய் எதிர்ப்பு சக்தியையும் அதிகரிக்கிறது. பழைய செல்கள் பழுதடைந்து புதிய செல்கள் உருவாகி நோய் எதிர்ப்பு சக்தியை பலப்படுத்துகிறது. இது தவிர, உடலில் ஏற்படும் வீக்கத்தைக் குறைத்து, நோய்களை எதிர்த்துப் போராடும் ஆற்றலை அதிகரிக்கிறது.
