பிரபல நடிகையும், அரசியல்வாதியுமான குஷ்பூ பல துறைகளிலும் தனது திறமையை வெளிப்படுத்தி மக்களின் மனதில் நிலைத்து நிற்கிறார்.
1980-ம் ஆண்டு வெளியான பாலிவுட் திரைப்படமான 'தி பர்னிங் ட்ரெயின்' மூலம் குழந்தை நட்சத்திரமாக அறிமுகமாகி தனது திரைவாழ்க்கையை தொடங்கியவர் நடிகை குஷ்பூ.
நடிகை என்பது மட்டுமின்றி இவர் அரசியல்வாதியாகவும், தயாரிப்பாளராகவும், நிகழ்ச்சி தொகுப்பாளராகவும் இருக்கிறார்.
நடிகை குஷ்பூ தமிழ் படங்கள் மட்டுமின்றி தெலுங்கு, ஹிந்தி, மலையாளம் மற்றும் கன்னட மொழி திரைப்படங்களில் நடித்துள்ளார். மேலும் மூன்று தமிழ்நாடு மாநில விருதுகளையும் வென்றுள்ளார்.
1988-ம் ஆண்டு தமிழில் ரஜினிகாந்த் மற்றும் பிரபு ஆகியோரது நடிப்பில் வெளியான 'தர்மத்தின் தலைவன்' படத்தின் மூலம் நடிகை குஷ்பூ தமிழில் அறிமுகமானார்.
ஆரம்பத்தில் திமுக கட்சியில் இருந்து, பின்னர் காங்கிரஸ் கட்சிக்கு சென்று தற்போது பாரதிய ஜனதா கட்சியில் இருக்கிறார்.
