ஜோதிட சாஸ்திரப்படி கிரகங்களின் தோஷத்தால் வாழ்க்கையில் பலவிதமான பிரச்சனைகளை சந்திக்க வேண்டி வரும். கிரகங்களின் தீய பலன்களால், ஒரு நபர் தவறான பாதையில் செல்கிறார். குடி பழக்கம் போன்ற போதைகளுக்கு அடிமையாகிறார்.
சில சமயங்களில் காரணமே இல்லாமல் வழி தவறிப் போவதற்கும் நடத்தையில் மாற்றம் ஏற்படவும் ஜாதகத்தில் உள்ள தோஷமே காரணமாகிறது. எனவே, ஒருவர் தனது ஜாதகத்திற்கு ஏற்ற ரத்தினங்களைப் பயன்படுத்துவதன் மூலம் கெட்ட பழக்கங்களிலிருந்து விடுபடலாம்.
(பொறுப்புத்துறப்பு: இங்கே கொடுக்கப்பட்டுள்ள தகவல் பொதுவான அனுமானங்கள் மற்றும் தகவல்களின் அடிப்படையில் அமைந்தவை. ஜீ மீடியா இதை உறுதிப்படுத்தவில்லை.)
தவறான தொடர்புக்கு கிரகங்களே காரணமாகின்றன. இந்த பழக்கத்திற்கு முக்கிய காரணம் மோசமான சனி மற்றும் சந்திரன். நீல ரத்தினத்தின் உதவியுடன் கெட்ட தொடர்புகளை அகற்றலாம். இந்த ரத்தினத்தை இடது கையின் நடுவிரலில் வெள்ளி மோதிரத்தில் பதித்து அணிய வேண்டும். இந்த ரத்தினத்தை அணிய வேண்டிய நாள் சனிக்கிழமை.
ஜாதகத்தில் பலவீனமான செவ்வாய் அல்லது சூரியன் இருப்பதால், ஆற்றல் குறைகிறது. அத்தகைய சூழ்நிலையில், ஒரு நபர் சோம்பேறியாகவும் கவனக்குறைவாகவும் மாறுகிறார். நவரத்தினங்களில் மாணிக்கம், இதற்கு பயனளிக்கும். வலது கையின் மோதிர விரலில் தங்கம் அல்லது செம்பு உலோகத்தில் மாணிக்கம் செய்த மோதிரம் அணிவது செவ்வாய் மற்றும் சூரியனை பலப்படுத்தும். முதன்முறையாக அணியும்போது ஞாயிற்றுக்கிழமையன்று அணிய வேண்டும்.
தீய கிரகங்களின் தாக்கத்தால் பேச்சும் இயல்பும் கெட்டுவிடும். வியாழனின் சுப பலன் காரணமாக, பொறுமை மற்றும் பேச்சு நன்றாக இருக்கும். குரு பகவானை வலுப்படுத்துவதன் மூலம் கோபத்தையும் பேச்சையும் கட்டுப்படுத்தலாம். குருவை வலுப்படுத்த புஷ்பராகம் அணியலாம். இந்த ரத்தினத்தை வலது கையில் தங்கம் அல்லது பொன்னிற உலோகத்தில் செய்த மோதிரத்தில் பொதித்து ஆள்காட்டி விரலில் அணிய வேண்டும்.
ராகு மற்றும் சனி தோஷம் ஒரு நபரின் போதைப்பழக்கத்திற்கு வழிவகுக்கிறது. போதைப் ழக்கத்திலிருந்து விடுபட மலாக்கிட் மிகவும் பயனுள்ளதாக இருக்கும். இது பச்சை நிறத்தில் ஒளி ஊடுருவாத வகையில் இருக்கும் மலாக்கிட் கல்லை வெள்ளி மோதிரத்தில் பதித்து இடது கையில் அணிய வேண்டும். முதன்முறையாக அணியும்போது புதன்கிழமையன்று அணியவும்.
ஜோதிடத்தின் படி, இந்த ரத்தினங்களின் உதவியுடன், வாழ்க்கையில் உள்ள அனைத்து வகையான கெட்ட பழக்கங்களிலிருந்தும் விடுபட முடியும். ஆனால் அத்துடன் சேர்த்து விழிப்புணர்வும் அவசியம். அப்போதுதான் இந்த ரத்தினங்கள் தங்கள் மாயாஜால வித்தையை காட்ட முடியும்.
