Lungs Detox: இன்றைய ஆரோக்கியமற்ற வாழ்க்கை முறை மற்றும் சுற்றுசூழல் பாதிப்பு, புகைபிடிக்கும் பழக்கம் போன்றவை காரணமாக, பலருக்கு நுரையீரல் பாதிப்பு உள்ளது. பலவீனமான நுரையீரல் காரணமாக, அடிக்கடி ஏற்படும் சளி இருமல். சுவாசிப்பதில் சிரமம் போன்ற பிரச்சனைகளை சந்திக்க நேரிடுகிறது.
நுரையீரலை ஆரோக்கியத்தை மேம்படுத்தி, அதில் சேரும் நச்சுக்களை நீக்கி, அதனை வலுவாக வைத்திருக்க, சில பழக்கங்களை கடைபிடிப்பது நன்மைகளைத் தரும். நுரையீரல் பாதிப்பு ஏதும் ஏற்படாமல் தடுத்து ஆரோக்கியமாக வாழலாம்.
Lungs Detox: சுவாசத்திற்கு ஆதாரமான நுரையீரல் உடலின் மிக முக்கியமான பகுதி. பலமான நுரையீரல் சுவாச பிரச்சனைகளை ஏற்படுத்துகின்றன. இந்நிலையில், நுரையீரல் செயல் திறனை அதிகரிப்பதுடன், நுரையீரலில் சேரும் நச்சுக்களை இயற்கையாக நீக்க உதவும் பழக்கங்களை அறிந்து கொள்ளலாம்.
ஆக்ஸிஜனேற்றம் நிறைந்த உணவுகள்: சத்தான உணவு நுரையீரல் ஆரோக்கியத்தை மேம்படுத்த உதவும். புதிய பழங்கள், பச்சை காய்கறிகள் மற்றும் ஊட்டச்சத்து நிறைந்த தானியங்கள் போன்ற ஆக்ஸிஜனேற்றம் நிறைந்த உணவுகளை உட்கொள்வது ஃப்ரீ ரேடிக்கல்களை எதிர்த்துப் போராடவும் மற்றும் நுரையீரலில் வீக்கத்தைக் குறைக்கவும் உதவும். இதனுடன், எண்ணெயில் பொரித்த மற்றும் பதப்படுத்தப்பட்ட உணவுகளை டயட்டில் இருந்து விலக்கவும்.
சுவாசப் பயிற்சி: நுரையீரலை நச்சு நீக்கவும், அவற்றின் திறனை அதிகரிக்கவும் சிறந்த வழி சுவாசப் பயிற்சிகளை மேற்கொள்வதாகும். குறிப்பாக தற்போது புகைபிடிக்கும் நபர்கள், கடந்த காலத்தில் புகைபிடிக்கும் பழக்கம் இருந்தவர்கள் அல்லது நுரையீரல் நோயால் பாதிக்கப்பட்டவர்கள் பசுமையான மத்தியில் திறந்த வெளியில் சுவாசப் பயிற்சிகளை செய்து பாருங்கள்.
மூலிகை டீ: நுரையீரலை இயற்கையாக டீடாக்ஸ் செய்து ஆரோக்கியமாகவைத்திருக்க எலுமிச்சை மற்றும் சுத்தமான தேன் சேர்த்த இஞ்சி டீ குடிப்பதை வழக்கமாக கொள்ளவும். இஞ்சி பல சக்திவாய்ந்த ஆக்ஸிஜனேற்றங்கள் நிறைந்த ஒரு அற்புத மசாலா. இஞ்சியில் உள்ள ஜிஞ்சரால் சுவாச பிரச்சனைகளை போக்கும் ஆற்றல் கொண்டது. இஞ்ச சுவாசக் குழாயின் வீக்கத்திலிருந்து நிவாரணம் அளிப்பதன் மூலம் நுரையீரலுக்கு நன்மை பயக்கும்.
வீட்டில் தயாரிக்கப்பட்ட சூப்: இஞ்சி மற்றும் பூண்டுடன் கூடிய உளுந்து சூப் அல்லது நறுக்கிய இறைச்சி, பூண்டு மற்றும் கருப்பு மிளகு கொண்ட அசைவ சூப் உங்கள் நுரையீரலில் சேர்ந்துள்ள நச்சுக்களை நீக்க உதவும். அவற்றில் உள்ள ஆன்டி-ஆக்ஸிடன்ட் மற்றும் அழற்சி எதிர்ப்பு பண்புகள் நுரையீரல் ஆரோக்கியத்தை பராமரிக்க உதவும்.
மஞ்சள் பால்: மஞ்சளும் மிளகும் சேர்த்த பால், பல அற்புத நலன்களை வழங்கக் கூடியது. மஞ்சள் பால்". மஞ்சள் பல சிறப்பு பண்புகளைக் கொண்டுள்ளது. இதில் உள்ள அழற்சி எதிர்ப்பு பண்புகள் நுரையீரலில் சேரும் நச்சுக்களை நீக்கி நிவாரணம் பெற உதவுகிறது. உடலின் வளர்சிதை மாற்றத்தை அதிகரிக்கிறது.
நீராவி எடுத்துக் கொள்ளும் பழக்கம்: உங்களுக்கு அடிக்கடி இருமல் அல்லது வறட்டு இருமல் இருந்தால், நீங்கள் தூங்கும் முன் நீராவி எடுத்துக் கொள்ளும் முறையை முயற்சி செய்யலாம். கொதிக்கும் நீரில் 3-4 துளி கற்பூர எண்ணெயை சேர்த்து, தூங்கும் முன் நீராவியை உள்ளிழுத்துக் கொள்வது மார்பு இறுக்கத்தை போக்க உதவுகிறது. நுரையீரல் வீக்கத்திலிருந்து நிவாரணம் வழங்கவும் உதவுகிறது.
புகைப்பிடிக்கும் பழக்கத்தை கைவிடுதல்: புகைபிடித்தல் நுரையீரல் ஆரோக்கியத்திற்கு மிகவும் தீங்கு விளைவிக்கும். சிகரெட்டில் பல தீங்கு விளைவிக்கும் இரசாயனங்கள் உள்ளன. அவை நுரையீரல் திசுக்களை சேதப்படுத்தி, நுரையீரல் நோய்களை ஏற்படுத்தும். எனவே, எலாவற்றிற்கு முன்னதாக, நுரையீரலை சுத்தம் செய்ய புகைபிடிப்பதை முற்றிலும் தவிர்க்கவும்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
