ஜடேஜா வைத்திருக்கும் டெஸ்ட் ஆவரேஜ் கூட இல்லை என கே.எல்.ராகுலை ரசிகர்கள் கடுமையாக சாடியுள்ளனர்.
வங்கதேசம் அணிக்கு எதிராக முதல் டெஸ்ட் போட்டியில் கே.எல்.ராகுல் சொல்லிக்கொள்ளும் அளவுக்கு சிறப்பாக விளையாடவில்லை. இந்திய அணியின் டெஸ்ட், ஒருநாள் மற்றும் 20 ஓவர் என மூன்று வடிவ போட்டிகளிலும் விளையாடும் ராகுல் சராசரி ரன்கள் மிக குறைவாகவே இருக்கின்றன.
டெஸ்ட் பொறுத்தவரை 44 போட்டிகளில் விளையாடி ஜடேஜா வைத்திருக்கும் சராசரி ரன்களைக் கூட வைத்திருக்கவில்லை. இதனால் கடுப்பாகி இருக்கும் ரசிகர்கள், இவருக்கு பதிலாக வேறொரு இளம் வீரருக்கு வாய்ப்பு கொடுக்கலாம் என தெரிவித்துள்ளனர்.
ஏற்கனவே ராகுலுக்கு 31 வயதாகிவிட்டதால், அவர் இனிமேல் இந்திய அணியின் எதிர்காலம் என்றெல்லாம் நினைக்காமல் இளம் வீரர் ஒருவருக்கு முறையான வாய்ப்பு கொடுக்க பிசிசிஐ முன்வர வேண்டும் என தெரிவித்துள்ளனர்.
ஆடிக்கு ஒரு அரைசதம், சதம் விளாசும் அவரை அணியில் வைத்துக் கொண்டு இந்திய அணி தன்னை ஏமாற்றிக் கொள்ள வேண்டாம் என்றும் தெரிவித்துள்ளனர்.
