இந்தியப் படைகளுக்கும் சீனப்படைகளுக்கும் இடையே டோக்லாம் எல்லையில் 73 நாட்களாக நீடித்த மோதல் காரணமாக இந்திய-சீன உறவுகளில் விரிசல் ஏற்பட்டது.
அந்த இடைவெளியை சரி செய்யும் விதமாக, சீன அதிபரின் அழைப்பை ஏற்ற பிரதமர் மோடி இன்று காலை 12:30 மணிக்கு சீனா வந்தடைந்தார்.
அவரை, சீன ஜனாதிபதி ஜி ஜின்பிங் வரவேற்றார். அங்கு வுஹான் நகரில் நடைபெறும் 2 நாள் மாநாட்டில் பிரதமர் பங்கேற்கிறார்.
இதையடுத்து, இரு தலைவர்களும், ஆறு உயர் அதிகாரிகளும் சேர்ந்து, விரிவுபடுத்தும் கிழக்கு ஏரி விருந்தினர் மாளிகையில் பேச்சுவார்த்தை நடத்தவுள்ளனர்.
இதில், இந்தியா-சீனா இடையிலான வர்த்தகம், எல்லைப் பிரச்சினை, போன்றவற்றுக்கு சுமுகத்தீர்வு காணும் வகையில் இப்பயணம் அமையும் என எதிர்பார்க்கப்படுகிறது.
இந்த சந்திப்பின் போது எந்த ஒப்பந்தமும் கையெழுத்தாகாது என்றும் இரு தலைவர்களின் கூட்டு செய்தியாளர் சந்திப்பு இருக்காது என்றும் அதிகாரிகள் தெரிவித்தனர்.
இந்தியா-சீனா இரு நாட்டுத் தலைவர்களும் அதிகாரப்பூர்வமற்ற முறையில் பேச்சுவார்த்தை நடத்துவது 30 ஆண்டுகளில் இதுவே முதன்முறையாகும்.
முன்னதாக, இந்தியா மற்றும் சீனா இடையிலான எல்லைப்பிரச்சனை தொடர்பாக விவாதிப்பதற்காக இந்திய பாதுகாப்பு ஆலோசகர் அஜித் தோவால் சீனா சென்றார்.
Prime Minister #NarendraModi arrived at picturesque Wuhan city in Central #China , at 12:30 a.m. on Friday, ahead of his much anticipated informal meeting with Chinese President #XiJinping ...From walk to boat ride, what all to expect
Read @ANI Story | https://t.co/VamxZ4yJeg pic.twitter.com/niRUeylGIv
— ANI Digital (@ani_digital) April 27, 2018
ஷங்காய் நகரில் கடந்த 13-ம் தேதி சீன அரசின் வெளியுறவுத்துறை அதிகாரிகளை அவர் சந்தித்து எல்லைப் பிரச்சனை தொடர்பாக ஆலோசனை நடத்தினார் என்பது குறிப்பிடத்தக்கது.
