கொரோனா வைரஸ் வெடிப்பு காரணமாக இந்த ஆண்டு பார்வையாளர்கள் இல்லாமல், உலக மல்யுத்த பொழுதுபோக்கின் (WWE) ரெஸில்மேனியா நடைபெறும் என அறிவிக்கப்பட்டுள்ளது.
முதலில் திட்டமிட்டபடி வரவிருக்கும் ரெஸில்மேனியா 36-வது பதிப்பு, தம்பா விரிகுடாவிற்கு பதிலாக புளோரிடாவின் ஆர்லாண்டோவில் உள்ள WWE செயல்திறன் மையத்தில் நடைபெறும் எனவும், பார்வையாளர்கள் நலன் கருதி பார்வையாளர்கள் இல்லாமல் நடைபெறும் என்றும் விளையாட்டு பொழுதுபோக்கு ஆற்றல் மையம் திங்களன்று அறிவித்தது.
"ரெஸ்டில்மேனியா மற்றும் தம்பா விரிகுடாவில் தொடர்புடைய அனைத்து நிகழ்வுகளும், உள்ளூர் கூட்டாளர்கள் மற்றும் அரசாங்க அதிகாரிகளுடன் ஒருங்கிணைந்து பார்வையாளர்கள் இன்றி நடத்தப்படுகிறது. இருப்பினும், ரெஸில்மேனியா ஏப்ரல் 5, ஞாயிற்றுக்கிழமை இரவு 7 மணிக்கு ET-இல் WWE நெட்வொர்க்கில் நேரடியாக ஒளிபரப்பப்படும், மேலும் ஊதியத்தில் கிடைக்கும் ரெஸ்ல்மேனியாவை நடத்துவதற்காக புளோரிடாவின் ஆர்லாண்டோவில் உள்ள WWE இன் பயிற்சி நிலையத்தில் அத்தியாவசிய பணியாளர்கள் மட்டுமே மூடிய தொகுப்பில் இருப்பார்கள்" என்று WWE ஒரு அதிகாரப்பூர்வ அறிவிப்பின் மூலம் தெரியப்படுத்தியுள்ளது.
ரெஸ்ல்மேனியா உலகம் முழுவதிலுமிருந்து ரசிகர்களை ஈர்க்க முனைகிறது, ஆனால் இங்கிலாந்து மற்றும் அயர்லாந்தைத் தவிர்த்து, ஐரோப்பாவைச் சேர்ந்தவர்களுக்கு அமெரிக்க ஜனாதிபதி டொனால்ட் டிரம்ப் விதித்துள்ள 30 நாள் பயணத் தடை, ரசிகர்களின் வருகையினை பாதிக்கும் என்று ஏற்கனவே எதிர்பார்க்கப்பட்டது. இந்நிலையில் தற்போது பார்வையாளர்களே இன்று போட்டிகளை நடத்த போட்டி குழு முடிவு செய்துள்ளது.
முன்னதாக, WWE தனது வாராந்திர நிகழ்ச்சிகளான 'ஸ்மாக்டவுன் லைவ்' மற்றும் 'மன்டே நைட் ரா' ஆகியவற்றை மூடிய கதவுகளுக்கு பின்னால் நடத்தியதால் இந்த நடவடிக்கை எடுக்கப்பட்டுள்ளது குறிப்பிடத்தக்கது.
இந்த ஆண்டு நிகழ்விற்கு, ஜான் சீனா, வ்ரே வியாட், ப்ரோக் லெஸ்னர், கோல்ட்பர்க், ரோமன் ரீஜின்ஸ் போன்ற நட்சத்திரங்கள் அனைத்து செயல்பாட்டிலும் இடம்பெறுவார்கள் எனவும் அந்த அறிக்கை ரசிகர்களுக்கு தெரிவித்துள்ளது.
