Chennai Rain Forecast: சென்னை மற்றும் தமிழ்நாட்டின் பல பகுதிகளில் தொடர்ந்து மழை பெய்து வருகிறது. தென் மாவட்டங்களிலும் பல இடங்களில் மழை பெய்து வருகிறது. இந்நிலையில், சென்னை இன்று இரவு முதல் நாளை மாலை வரை அதி கனமழை பெய்ய வாய்ப்பு என தனியார் வானிலை ஆய்வாளர் பிரதீப் ஜான் கருத்து தெரிவித்துள்ளார்.
அவர் தனது பேஸ்புக் பக்கத்தில் வெளியிட்ட பதிவில்,"கடந்த 4 ஆண்டுகளில் ஜனவரியில் பருவமழை பொழிவது சகஜமாகிவிட்டது. இந்த ஆண்டும் கிங்மேக்கர் MJO நம் கடலுக்குள் நகரும் என எதிர்பார்த்தோம். கடந்த இரண்டு நாட்களாக தமிழகத்தின் பல்வேறு பகுதிகளில் மிதமான மழை பெய்து வருகிறது. விருதுநகர் மாவட்டம் மற்றும் மாஞ்சோலை பகுதிகளில் பலத்த மழை பெய்து வருகிறது. டெல்டா பகுதிகளிலும் மழை பெய்துள்ளது.
எங்கு அதி கனமழைக்கு வாய்ப்பு?
இந்த மழை தமிழகத்தின் தென் மற்றும் மேற்கு பகுதிகளில் இன்னும் 2-3 நாட்களுக்கு நீடிக்கும். இருப்பினும், எங்கு அதிக மழை பெய்யும் தெரியுமா?. (இதில் இருந்து மாஞ்சோலையை தவிர்த்து விடுவோம், அங்கே சும்மாவே தினமும் மழை பெய்யும், பொதுமக்களுக்கு பாதிப்பில்லாதது). வேறு எங்கே நம் KTCC மாவட்டங்களில்தான் (காஞ்சிபுரம், திருவள்ளூர், சென்னை, செங்கல்பட்டு). குறைந்த காற்றழுத்தம் அல்லது சூறாவளி அடிப்படையிலான மழையைப் போலல்லாமல், இந்த மழை சற்று வித்தியாசமானது. KTCC மாவட்டங்களில் இந்த மழையை 2020ஆம் ஆண்டில் அக்டோபர் 28ஆம் தேதி பெய்த மழையுடனோ அல்லது 2021ஆம் ஆண்டு நவம்பர் 7ஆம் தேதி பெய்த மழையுடனோ குறிப்பிடலாம்" என குறிப்பிட்டுள்ளார்.
மேலும் படிக்க | பருவநிலை மாறுபாடுகளுக்கு மரம்சார்ந்த விவசாயத்தின் மூலம் தீர்வு காணலாம்!
KTCC மாவட்டங்களில் இன்றிரவு முதல் நாளை மாலை வரை மழை சராசரியாக 75 மி.மீ., முதல் 150 மி.மீ., வரை மழையைப் பெறலாம். ஆனால் 4 மாவட்டங்களில் எங்காவது அல்லது சில இடங்களில் 150-250 மிமீ வரையிலான அதிதீவிர மழையும் பெய்யக்கூடும். விழுப்புரம், திருவண்ணாமலை, கடற்கரைக்கு அருகில் உள்ள மாவட்டங்களான ராணிப்பேட்டை, டெல்டா மாவட்டங்கள், கடலூர், பாண்டிச்சேரி ஆகிய பகுதிகளிலும் ஓரளவு மழை பெய்யும். இது மிக்ஜாம் புயலால் ஏற்பட்ட வெள்ளம் போல் இருக்குமா என்றால், இல்லை என்பதுதான் பதில்.
பள்ளி, கல்லூரி, அலுவலகம் விடுமுறை?
டிசம்பரில் 24 மணி நேரத்தில் 400-450 மிமீ மழை பெய்துள்ளது. இது மிக்ஜாம் போல மிகவும் கனமாக இருக்காது. ஆனால் இன்னும் 100-200 மிமீ மழைப்பொழிவு உள்ளூர் நீர் தேக்கத்தை ஏற்படுத்தும். எனவே தாழ்வான பகுதிகளில் வசிப்பவர்கள் மழையை உன்னிப்பாக கவனிக்க வேண்டும்.
இரவ பகலா குளிர வெயிலா, கடல புயலா, இடையா மழையா என்னை ஒன்றும் செய்யாதடி என்பதுதான் அலுவலகம் செல்வோரின் முழக்கம். நாம் அலுவலகம் செல்ல வேண்டும். மேகங்கள் எவ்வாறு உருவாகின்றன என்பதை இன்னும் உன்னிப்பாகக் கவனிக்கலாம். மழை அதிகமாக இருந்தால் இதில் தெரிவிக்கிறேன்" எஎன குறிப்பிட்டுள்ளார்.
தென் மாவட்டங்கள் மழை எச்சரிக்கை
தென் மாவட்டங்கள் குறித்து பேசிய அவர்,"மாஞ்சோலை நீர்பிடிப்பு பகுதிகளில் வரும் வியாழக்கிழமை வரை தினமும் கனமழை பெய்யும். ஆனால் சமாளிக்கக்கூடிய ஒன்றுதான். கனமழை பெய்தாலும் பயப்பட வேண்டியதில்லை. தயவு செய்து பீதி அடைய வேண்டாம். மணிமுத்தாறில் இருந்து நீர்வரத்து 3000-10000 கனஅடியாக இருக்கும். இது எளிதில் கையாளக்கூடியதாக இருக்கும். சமவெளியில் உள்ள மற்ற பகுதிகளிலும் செவ்வாய் மற்றும் புதன் கிழமைகளில் நெல்லை மற்றும் தூத்துக்குடியில் ஓரளவு மழை பெய்யும், ஆனால் சமாளிக்கக்கூடிய ஒன்று. கனமழை பெய்தாலும் பயப்பட வேண்டியதில்லை. தயவு செய்து பீதி அடைய வேண்டாம்" என பதிவிட்டுள்ளார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
