LPG சிலிண்டர் விலை சென்னையில் ஒரு யூனிட்டுக்கு ரூ.192 குறைப்பு...!

தொடர்ச்சியாக மூன்றாவது விகிதக் குறைப்பில், LPG சிலிண்டர்களின் விலை இன்று சென்னையில் ஒரு யூனிட்டுக்கு ரூ.192 குறைக்கப்பட்டுள்ளது.

எண்ணெய் சந்தைப்படுத்தல் நிறுவனங்கள் நாட்டின் பிற பகுதிகளிலும் இதேபோன்ற விகிதக் குறைப்புகளைச் செயல்படுத்தியுள்ளன. அந்த வகையில் டெல்லியில் 14.2 கிலோ மானியமில்லாத LPG (திரவமாக்கப்பட்ட பெட்ரோலிய வாயு) சிலிண்டரின் விலை ரூ.744-ல் இருந்து 581.50-ஆக குறைக்கப்பட்டுள்ளது.

மும்பையில், LPG சிலிண்டருக்கு 135.5 குறைவு கண்டு ரூ.579-க்கு விற்கப்படுகிறது. அதேவேளையில் கொல்கத்தாவில் சமையல் எரிவாயு எரிபொருள் வீதம் ரூ.190 குறைத்து ரூ.584.50-க்கு விற்கப்படுகிறது. சென்னையில், LPG சிலிண்டர்கள் ரூ.192 குறைவு கண்டு ரூ-.569.50-க்கு விற்கப்படுகிறது.

மாதம்	டெல்லி	கொல்கத்தா	மும்பை	சென்னை
மே 01, 2020 581.5 584.5 579 569.5 ஏப்ரல்  01 , 2020 744.00 774.50 714.50 761.50 விலையில் மாற்றம் 162.5 190 135.5 192

உலகளாவிய எரிசக்தி சந்தையில் சரிவின் மத்தியில் கடந்த இரண்டு மாதங்களில் விலைகள் குறைக்கப்படுவதற்கு முன்னர், ஒவ்வொரு மாதமும் முதல் நாளில் திருத்தப்படும் LPG சிலிண்டர் விகிதங்கள் கடந்த ஆகஸ்ட் மாதத்திலிருந்து அதிகரித்து வருகின்றன.

கொரோனா வைரஸ் தொடர்பான முழு அடைப்பு மார்ச் 25 முதல் தொடங்கியதிலிருந்து, LPG சிலிண்டர்களை வாங்குவது நாட்டின் பெரும்பாலான பகுதிகளில் குறைந்துள்ளது. மேலும், உள்ளூர் தேவையை பூர்த்தி செய்ய போதுமான அளவு எரிவாயு இருப்பு இருப்பதால் நாட்டில் LPG சிலிண்டர்களுக்கு பற்றாக்குறை இல்லை என்று சில்லறை விற்பனையாளர்கள் வலியுறுத்தி வருகின்றனர்.

இதனிடையே இந்தியாவின் மிகப்பெரிய எரிபொருள் சில்லறை விற்பனையாளர் இந்தியன் ஆயில் கார்ப் லிமிடெட் (ioc) ஏப்ரல் மாதத்தில் 20% விற்பனையை அதிகரித்துள்ளது என்று தெரிவித்துள்ளது.

இந்தியாவில் LPG சிலிண்டர்களின் விலை முதன்மையாக இரண்டு காரணிகளைச் சார்ந்துள்ளது - LPG-யின் சர்வதேச அளவுகோல் வீதம் மற்றும் அமெரிக்க டாலர் மற்றும் ரூபாயின் மாற்று வீதம்.

முழு அடைப்பு அமல்படுத்தப்பட்ட பின்னர், இந்த ஆண்டு ஏப்ரல் முதல் ஜூன் வரை 8 கோடி பயனாளிகளுக்கு 3 LPG சிலிண்டர்களை இலவசமாக வழங்க நரேந்திர மோடி அரசு புதிய பிரதான் மந்திரி கரிப் கல்யாண் யோஜனாவை (PMGKY) தொடங்கியுள்ளது.

எண்ணெய் விற்பனை நிறுவனங்கள் ஒரு 14.2 கிலோ ரீஃபில் அல்லது ஒரு 5 கிலோ ரீஃபில் சில்லறை விற்பனை விலைக்கு சமமான முன்கூட்டியே PMUY வாடிக்கையாளர்களின் இணைக்கப்பட்ட வங்கிக் கணக்கிற்கு தொகுப்பின் வகையைப் பொறுத்து மாற்றி வருகின்றன. LPG  ரீஃபில் எடுக்க வாடிக்கையாளர்கள் இந்த முன்கூட்டியே பணத்தைப் பயன்படுத்தலாம் என தெரிவிக்கப்பட்டுள்ளது.