இந்திய விண்வெளி ஆய்வு நிறுவனமான, இஸ்ரோ தயாரித்த ரிசாட் 2 பி.ஆர் 1 விண்கலம் வரும் 11 ஆம் தேதி விண்ணில் ஏவப்பட உள்ளதாக அறிவிப்பு!
டெல்லி: இந்திய விண்வெளி ஆராய்ச்சி அமைப்பு (இஸ்ரோ) டிசம்பர் 11 ஆம் தேதி ஸ்ரீஹரிகோட்டாவில் உள்ள சதீஷ் தவான் விண்வெளி மையத்திலிருந்து ரிசாட் -2 பிஆர் 1 என்ற பூமியை கண்காணிக்கும் செயற்கைக்கோளை விண்ணில் செலுத்த தயாராகி வருகிறது. ரிசாட் -2 பிஆர் 1 என்பது ரிசாட் -2 பி தொடரின் இரண்டாவது செயற்கைக்கோள் ஆகும். மேலும், இந்த செயற்கைக்கோளை விண்ணில் செலுத்துவது விண்வெளியில் இருந்து பூமியின் கண்காணிப்பை மேற்கொள்ள இந்திய பாதுகாப்பு நிறுவனங்களின் திறனை அதிகரிக்கும்.
We are gearing up for the next launch !#RISAT2BR1 & 9 commercial satellites will be flown onboard #PSLVC48 at 1525 hrs IST on December 11, 2019
Read more at https://t.co/leKS6Fx6Bn pic.twitter.com/uiZZPYdAjG
— ISRO (@isro) December 4, 2019
பி.எஸ்.எல்.வி. ராக்கெட் வரிசையில் 50 வது ராக்கெட்டான பி.எஸ்.எல்.வி- சி 48 மூலமாக 'ரிசாட் 2 பி.ஆர் 1' என்ற விண்கலம், விண்ணில் ஏவப்பட உள்ளது. இது தொடர்பாக இஸ்ரோ வெளியிட்டுள்ள செய்தியில், இஸ்ரோ தயாரித்துள்ள இந்த விண்கலத்தில் வர்த்தக ரீதியாக 9 செயற்கை கோள்களும் ஏவப்பட உள்ளதாக கூறியுள்ளது. ஸ்ரீஹரிகோட்டாவில் உள்ள சதீஷ் தவான் விண்வெளி ஏவுதளத்தில் இருந்து வரும்11 ஆம் தேதி மதியம் 3 மணி 25 நிமிடங்களில் விண்ணில் செலுத்தப்பட உள்ளதாக கூறப்பட்டுள்ளது. 628 கிலோ எடையுடன், அமெரிக்கா, ஜப்பான், இத்தாலி, இஸ்ரோ நாடுகளைச் சேர்ந்த செயற்கை கோள்களுடன், 576 கிலோ மீட்டரில் நிலை நிறுத்தப்படும் என்றும் இஸ்ரோ அறிவித்துள்ளது.
பாழைய ரிசாட் -2_ஐ மாற்றுவதற்காக இஸ்ரோ 2019 மே 22 அன்று ரிசாட் -2 பி தொடரில் முதல் செயற்கைக்கோளை ஏவியது நினைவிருக்கலாம். ரிசாட் -2 பிஆர் 1 டிசம்பர் 11 ஆம் தேதி ஏவப்பட்ட பின்னர், ரிசாட் -2 பி தொடரின் மற்றொரு செயற்கைக்கோளை 2019 டிசம்பரில் செலுத்த இஸ்ரோ திட்டமிட்டுள்ளது என்று வட்டாரங்கள் தெரிவித்தன.
ரிசாட் -2 பிஆர் 1 போலார் சேட்டிலைட் ஏவுதல் வாகனம் (பிஎஸ்எல்வி) ராக்கெட்டில் செலுத்தப்படும், மேலும் இந்த செயற்கைக்கோளை ஏவுவது பிஎஸ்எல்வியின் 50 வது பணியாகும். ரிசாட் -2 பிஆர் 1 உடன், பி.எஸ்.எல்.வி ராக்கெட் ஒன்பது வணிக செயற்கைக்கோள்களையும் கொண்டு செல்லும் - இஸ்ரேல் மற்றும் அமெரிக்காவிலிருந்து ஆறு, இத்தாலி மற்றும் ஜப்பானில் இருந்து ஒன்று.
