புதிய மாடல் SUV காரை இந்தியாவில் அறிமுகப்படுத்தும் டாடா: புகைப்படச் செய்தி

Tata Safari SUV Expected Changes: புதிய மாடல் SUV காரை இந்தியாவில் அறிமுகப்படுத்தும் என்று தெரிகிறது, இது தொடர்பான படங்கள் இணையத்தில் கசிந்தன

Written by - Malathi Tamilselvan | Last Updated : Aug 12, 2022, 10:41 AM IST
  • டாடா சஃபாரியின் மேம்படுத்தப்பட்ட மாடல் விரைவில் இந்தியாவில் அறிமுகம்
புதிய மாடல் SUV காரை இந்தியாவில் அறிமுகப்படுத்தும் டாடா: புகைப்படச் செய்தி

புதுடெல்லி: டாடா மோட்டார்ஸ் நிறுவனம் சஃபாரியின் மேம்படுத்தப்பட்ட மாடலை விரைவில் இந்தியாவிற்கு கொண்டு வரவுள்ளது. அதன் சில படங்கள் இணையத்தில் கசிந்துள்ளன. அதன்படி, இந்த SUV பெரிய அளவில் புதுப்பிக்கப்படும் என்று தெரிகிறது. வடிவமைப்பில் சில மாற்றங்கள் செய்யப்படலாம் என எதிர்பார்க்கப்படுகிறது. கசிந்த படங்களின்படி, 2022 டாடா சஃபாரி முன்பக்கத்தில் கிரில்லின் வடிவமைப்பு புதுப்பிக்கப்பட்டுள்ளது. இது ட்ரை-அம்பு வடிவமைப்பு வடிவத்துடன் வெள்ளி நிறத்தில் வடிவமைக்கப்பட்டுள்ளது. இந்த புதிய வடிவமைப்பு, பார்ப்பதற்கு டாடா ஹாரியர் போல தோற்றமளிக்கிறது.

இந்த புதிய வடிவமைப்பின் பின்புறத்தில் உள்ள சில்வர் பம்பர் இன்செர்ட் இப்போது கருப்பு நிறத்திற்கு மாற்றப்பட்டுள்ளது. புதிய சஃபாரி காரின் சில முக்கிய அம்சங்களில் மாற்றங்கள் செய்யப்படும் என்று தெரிகிறது.

2022 டாடா சஃபாரியின் அம்சங்கள்
எம்ஜி ஹெக்டர் ப்ளஸ் மற்றும் ஹூண்டாய் அல்காசர் போன்ற எஸ்யூவிகளுடன் ஒப்பிடும்போது, ​​சஃபாரி பின்தங்கிய நிலையில் உள்ளது. அதனால்தான் இந்த மாற்றங்களை டாடா நிறுவனம் செய்துள்ளது. புதிய அப்டேட்டில் பெரிய தொடுதிரை இன்ஃபோடெயின்மென்ட் சிஸ்டம் மற்றும் 360 டிகிரி கேமராக்கள் கிடைக்கும் என எதிர்பார்க்கப்படுகிறது. சமீபத்தில் ஹாரியரின் சோதனை மாதிரி புகைப்படங்கள் வெளியாகின, அதன்படி இது 360 டிகிரி கேமராக்களுடன் புதுப்பிக்கப்படலாம் என்று தெரிகிறது.

2022 டாடா சஃபாரியின் பாதுகாப்பு
2022 Tata Safari ADAS ஆதரவுடன் வரலாம். பிளைண்ட்-ஸ்பாட் கண்காணிப்பு, லேன்-கீப் அசிஸ்ட், ஆட்டோ எமர்ஜென்சி பிரேக்கிங் மற்றும் பின்புற குறுக்கு-போக்குவரத்து எச்சரிக்கை போன்ற அம்சங்களை இது உள்ளடக்கும்.

மேலும் படிக்க | மாருதி சுசூகி கிராண்ட் விட்டாரா எஸ்யூவி ஜூலை 20ம் தேதி அறிமுகம்: விலை ரூ 15 லட்சம்

2022 டாடா சஃபாரி இன்ஜின்
புதுப்பிக்கப்பட்ட டாடா சஃபாரி இன்ஜினில் எந்த மாற்றமும் இருக்காது என தகவல்கள் தெரிவிக்கின்றன. அதாவது இது 2.0 லிட்டர் டீசல் எஞ்சினுடன் வரும், இது 170 ஹெச்பி ஆற்றலை உருவாக்குகிறது. இதனுடன், 6-ஸ்பீடு மேனுவல் மற்றும் 6-ஸ்பீடு ஆட்டோமேட்டிக் கியர்பாக்ஸ் ஆப்ஷன் வழங்கப்படும்.

டாடா சஃபாரி விலை
தற்போது, ​​டாடாவின் சஃபாரி காரை, XE, XM, XT, XT +, XZ, XZ + என 6 வகைகளில் வாங்க முடியும். இந்த எஸ்யூவியின் விலை ரூ.15.35 லட்சத்தில் இருந்து தொடங்குகிறது. அதே சமயம், இதன் டாப் மாடலின் விலை ரூ.22.26 லட்சம். இந்த விலைகள் எக்ஸ்-ஷோரூம் விலைகள் ஆகும்.  

டாடா சஃபாரி  6 மற்றும் 7 இருக்கை கொண்டதாக இருக்கும்.  இது தவிர, இந்த எஸ்யூவியின் மூன்று சிறப்பு பதிப்புகளான டார்க், கோல்டன் மற்றும் காசிரங்கா ஆகியவையும் அறிமுகப்படுத்தப்பட்டுள்ளன. வரும் காலங்களில் டாடா மோட்டார்ஸ் டர்போ பெட்ரோல் எஞ்சினுடன் அறிமுகம் செய்யலாம் என்றும் தகவல்கள் தெரிவிக்கின்றன.

மேலும் படிக்க | கார் வாங்க ஆசையா? ரூ.35 ஆயிரத்தில் கிடைக்கும் கார்கள்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ 

More Stories

Trending News