இறைச்சி மாடுகள் விற்கவும் வாங்கவும் சில கட்டுப்பாடுகள் விதித்து மத்திய அரசு உத்தரவிட்டது. இந்த உத்தரவை கேரளா, மேற்கு வங்கம், மேகாலயா உள்ளிட்ட மாநிலங்கள் எதிர்ப்பு தெரிவித்து வருகின்றன. மேலும் மாட்டிறைச்சிக்கு எதிராக கேரள சட்டசபையில் தீர்மானமும் நிறைவேற்றப்பட்டது.
மத்திய அரசன் இந்த உத்தரவை எதிர்த்து, ஐதராபாத்தை சேர்ந்த தொண்டு நிறுவனம் ஒன்று சுப்ரீம் கோர்ட்டில் மேல்முறையீடு செய்தது.
கேரள சட்டசபையின் சிறப்பு கூட்டம் இன்று சபாநாயகர் தலைமையில் நடைபெற்றது. இக்கூட்டத்தில் இறைச்சிக்காக மாடுகள் விற்பதற்கு மத்திய அரசு விதித்துள்ள தடை தொடர்பாக விவாதம் நடைபெற்று வருகிறது.
விவாதத்திற்கு பிறகு மத்திய அரசின் தடைக்கு எதிராக தீர்மானம் நிறைவேற்றப்படலாம் எனவும் கூறப்படுகிறது. முதல்வர் பிணராய் விஜயன் மற்றும் எம்.எல்.ஏ.,க்கள் இந்த சிறப்பு விவாதத்தில் கலந்து கொண்டுள்ளனர்.
இறைச்சிக்காக மாடுகளை விற்கதடை விதித்ததை கண்டித்து சென்னை மாவட்ட ஆட்சியர் அலுவலகத்திற்கு முன்பு திமுக செயல் தலைவர் மு.க.ஸ்டாலின் தலைமையில் திமுகவினர் போராட்டத்தில் ஈடுபட்டுள்ளனர்.
இறைச்சிக்காக மாடுகள், எருமை, ஒட்டகம், காளைகளை விற்க மத்திய அரசு தடை விதித்திருந்தது. இந்த தடை உத்தரவுக்கு கேரளா, புதுச்சேரி, கர்நாடகம், மேற்கு வங்கம் உள்ளிட்ட மாநிலங்களின் முதல்வர்கள் கடும் எதிர்ப்புத் தெரிவித்ததுடன், தடையை அமல்படுத்த மாட்டோம் எனவும் அறிவித்துள்ளனர்.
நாடு முழுவதும் இறைச்சிக்காக மாடுகள் விற்பனை செய்வதை மத்திய அரசு தடை செய்துள்ளது.
இதைக்குறித்து மத்திய சுற்றுச்சூழல் துறை அமைச்சகம் வெளியிட்டுள்ள அறிக்கையில் கூறப்பட்டதாவது:
விவசாயம் செய்ய மட்டுமே மாடுகளை விற்பனை செய்யவோ, வாங்கவோ முடியும். கசாப்பு தொழிலுக்காக, இறைச்சி தேவைக்காக விற்பனை செய்ய முடியாது. பசு, ஒட்டகம், காளை, எருமை மாடுகளை வாங்கவோ, விற்கவோ முடியாது. மிருகவதை தடுப்பு சட்டத்தில் திருத்தம் கொண்டுவந்து இந்த புதிய உத்தரவு பிறப்பிக்கப்பட்டுள்ளது.
இந்த விதிமுறை மூலம், நாடு முழுக்க மாட்டிறைச்சி விற்பனை கூடங்கள் மூடப்படும் நிலை ஏற்பட்டுள்ளது.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
