Union Budget 2025: இன்னும் சில நாட்களில் 2025-26 நிதி ஆண்டுக்கான பட்ஜெட் தாக்கல் செய்யப்படவுள்ளது. இதற்கான ஆயத்தப்பணிகள் நடந்து வருகின்றன. இந்த நிலையில், பல்வேறு தரப்பினர் பல்வெறு எதிர்பார்ப்புகளுடன் காத்திருக்கிறார்கள். நாட்டின் கண்களான பெண்களின் எதிர்பார்பு என்ன? இந்த பட்ஜெட்டில் பெண்களுக்கு எதிர்பார்க்கப்படும் அறிவிப்புகள் என்ன? சிறப்பு சலுகைகள் கிடைக்குமா? இந்த கேள்விகளுக்கான பதிலை இந்த பதிவில் காணலாம்.
Budget 2025 Expectations: பெண்களுக்கான எதிர்பார்ப்பு என்ன?
வரி செலுத்தும் பெண்கள், தங்கள் வளர்ந்து வரும் நிதி பங்கேற்பு மற்றும் சுயசார்பை அங்கீகரித்து ஆதரவளிக்கும் கொள்கைகள் குறித்து நம்பிக்கை கொண்டுள்ளனர். பல ஆண்டுகளாக, வரிச்சுமையைக் குறைக்கவும், பெண்களுக்கு சிறந்த நிதி வாய்ப்புகளை வழங்கவும் அரசாங்கம் பல நடவடிக்கைகளை எடுத்துள்ளது.
அதிகமான பெண்கள் பணியிடத்தில் நுழைந்து தனிப்பட்ட நிதிகளை நிர்வகிப்பதால், இந்த பட்ஜெட் அதிக நிதி சுதந்திரம் மற்றும் பாதுகாப்பை வளர்க்கும் நடவடிக்கைகளை அரசு முன்வைக்கும் என்று எதிர்பார்க்கப்படுகிறது.
Women Entrepreneurs: பெண் தொழில்முனைவோருக்கு ஊக்கம்
- பெண் தொழில்முனைவோரின் எழுச்சி மற்றும் பொருளாதாரத்தில் வளர்ந்து வரும் அவர்களின் பங்களிப்பைக் கருத்தில் கொண்டு, 2025 ஆம் ஆண்டு மத்திய பட்ஜெட்டில் பெண்கள் தலைமையிலான வணிகங்களை ஊக்குவிக்கும் வரிச் சலுகைகள் அறிமுகப்படுத்தப்படும் என்று எதிர்பார்க்கப்படுகிறது.
- வரி இணக்க நடைமுறைகள் எளிமைப்படுத்தப்படும் என எதிர்பார்க்கப்படுகின்றது.
- ஸ்டார்ட் அப்களில் பெண்கள் முதலீடு செய்வதற்கான ஊக்கத்தொகைகள் அறிமுகம் செய்யப்படலாம்.
- குறைந்த வரி விகிதங்கள், நிதி வளங்களுக்கான எளிய அணுகல் மற்றும் வணிக வளர்ச்சிக்கு மிகவும் உகந்த சூழல் ஆகியவற்றால் பெண்களுக்குச் சொந்தமான சிறு மற்றும் நடுத்தர நிறுவனங்கள் (SMEகள்) பயனடையக்கூடும்.
- இந்த மாற்றங்கள் பெண் தொழில்முனைவோர் செழித்து வளர இருக்கும் தடைகளை கணிசமாகக் குறைக்கலாம்.
Tax Incentives: கடன் மற்றும் வரி சலுகைகளை எளிதாகப் பெறுதல்
- இந்த பட்ஜெட்டில் பெண்களுக்கான கடன் அணுகலை மேம்படுத்த நடவடிக்கைகள் எடுக்கப்படும் என எதிர்பார்க்கப்படுகின்றது.
- நிதி உள்ளடக்கத்திற்கு அதிக முக்கியத்துவம் அளிக்கப்படலாம்.
- பெண்கள் தொழில்முனைவோர் மற்றும் சுயதொழில் செய்பவர்களுக்கு கடன் அணுகலை எளிதாக்குவதை நோக்கமாகக் கொண்ட திட்டங்களை அரசாங்கம் அறிமுகப்படுத்தலாம்.
- பெண்களுக்கு எளிமையான கடன் செயல்முறைகள் வரக்கூடும்.
- வட்டி விகிதங்கள் குறைக்கப்படக்கூடும்.
- இவற்றின் மூலம் பெண்கள் தங்கள் வணிகங்களை விரிவுபடுத்தவோ அல்லது அவர்களின் தொழில்முறை இலக்குகளைத் தொடரவோ அதிக ஊக்கம் கிடைக்கும்.
Retirement Plans: ஓய்வூதியத் திட்டங்கள்
- பெண்கள் முதன்மை வருமானம் ஈட்டுபவர்களாகவும் பராமரிப்பாளர்களாகவும் இருக்கும் சூழல் அதிகரித்து வருவதால், அவர்களுக்கு ஓய்வூதியப் பாதுகாப்பு மிகவும் முக்கியமானதாகிறது.
- பெண்களின் தேவைகளுக்கு ஏற்ப சிறந்த ஓய்வூதியத் திட்டங்களுக்கான ஏற்பாடுகளை பட்ஜெட்டில் அரசு அறிவிக்க வாய்ப்புகள் உள்ளன.
- இவற்றின் மூலம் பெண்கள் தன்னம்பிக்கையுடன் முதுமையை எதிர்கொள்ள முடியும்.
Housing Loans: வீட்டுக் கடன்கள்
- இந்த பட்ஜெட்டில் பெண்களுக்கான மலிவு விலை வீடுகளில் கவனம் செலுத்தப்படும் என எதிர்பார்க்கப்படுகின்றது.
- வீட்டுக் கடன்களில் பெண்களுக்கு மேம்படுத்தப்பட்ட வரி விலக்குகள் அறிவிக்கப்படலாம்.
- இதன் மூலம் அதிக பெண்கள் வீட்டு உரிமையாளர்களாக ஆவதற்கு வாய்ப்பு கிடைக்கும்.
Education Loan: கல்வி கடன்கள்
கல்வி பெண்களுக்கு அதிகாரமளிக்கும் முயற்சிகளில் மிக முக்கியமானதாக கருதப்படுகின்றது. பெண்கள் கல்விக்கான அரசாங்கத்தின் தொடர்ச்சியான முயற்சிகளுக்கு ஏற்ப, பட்ஜெட்டில் கல்விக் கடன்களுக்கு வரிச் சலுகைகள் கிடைக்கும் என எதிர்பார்க்கப்படுகின்றன. இதன் மூலம் பெண்களுக்கு உயர்கல்விக்கான அணுகல் இன்னும் அதிகரிக்கும்.
மொத்தத்தில் பட்ஜெட் 2025 -இல் பெண்களுக்கு அதிக எதிர்பார்ப்புகள் உள்ளன. இந்த அரசாங்கத்தின் வாக்கு வங்கியில் முக்கிய அம்சமாக இருக்கும் பெண்களுக்கு, அரசு கடன் அணுகல், வரி நிவாரணம் மற்றும் நீண்டகால நிதி திட்டமிடல் ஆகியவற்றுக்கு முக்கியத்துவம் அளித்து, வளர்ச்சி, பாதுகாப்பு மற்றும் சுதந்திரத்தை வளர்க்கும் அதிக வாய்ப்புகளை அளிக்கும் என எதிர்பார்க்கப்படுகின்றது.
மேலும் படிக்க | EPFO புதிய விதிகள், ஊழியர்களுக்கு நிவாரணம்: இனி KYC முடிக்க இது தேவையில்லை
மேலும் படிக்க | மத்திய அரசு ஊழியர்களுக்கு பட்ஜெட்டில் குட் நியூஸ்! வருகிறதா 8வது ஊதியக்குழு?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
