హైదరాబాద్‌: ఛార్టెట్ అకౌంటెంట్ పరీక్షలు వాయిదా (ICAI CA Exams 2020 Postponed) పడ్డాయి. దేశ వ్యాప్తంగా నవంబరు 2, 3, 6, 7 తేదీల్లో నిర్వహించేందుకు ఇన్‌స్టిట్యూట్‌ ఆఫ్‌ ఛార్టెర్డ్‌ అకౌంటెంట్స్‌ ఆఫ్‌ ఇండియా(ICAI) తొలుత షెడ్యూల్ జారీ చేసింది. అయితే బిహార్ అసెంబ్లీ ఎన్నికలు జరగనున్న నేపథ్యంలో ఛార్టెట్ అకౌంటెంట్ పరీక్షలు (CA Exams 2020) వాయిదా పడ్డాయి.
వాయిదా పడిన సీఏ పరీక్షలను నవంబరు 19, 21, 23, 25 తేదీల్లో (CA Exams 2020 Date) నిర్వహించనున్నట్లు ఐసీఏఐ తెలిపింది. ఈ మేరకు ఓ ప్రకటన విడుదల చేసింది. సెప్టెంబర్ 27న ప్రకటించిన షెడ్యూల్ ప్రకారం పరీక్షలు జరపడం లేదని, బిహార్ ఎన్నికల కారణంగా వాయిదా వేస్తున్నట్లు వెల్లడించారు. సీఏ పరీక్షలు రాయనున్న విద్యార్థులు తాజా షెడ్యూల్‌ను గమనించాలని సూచించారు.
