AP Liquor News: మద్యం ప్రియులకు ఏపీ ప్రభుత్వం మరో భారీ శుభవార్తను చెప్పింది ఆంధ్రప్రదేశ్‌ కూటమి ప్రభుత్వం. దీంతో వారికి డబుల్‌ కిక్కెచ్చే వార్త అయింది. ఇప్పటికే రూ.99 కు విక్రయిస్తున్న మద్యంతో ఇది బంపర్‌ ఆఫర్ అంటున్నారు మద్యం ప్రియులు..
కూటమి ప్రభుత్వం ఏర్పడిన వెంటనే మద్యం విక్రయాలకు షాపులను లాటరీ విధానంలో ఎంపిక చేసింది. దీంతో కొత్త షాపులు కూడా ఏర్పాటు అయ్యాయి. అంతేకాదు ఆ దుకాణాల్లో కేవలం రూ.99 విక్రయాలు చేపట్టింది.
అయితే, చాలామంది మందుబాబులు మంచి పేరు పొందిన మందు కూడా రూ.99 కే విక్రయిస్తే బాగుండు అని ఎప్పుడు వస్తాయో అని ఎదురు చూశారు. వారికి ఏపీ ప్రభుత్వం గుడ్‌ న్యూస్‌ చెప్పింది.
ప్రముఖ బ్రాండ్లు జాతీయ స్థాయిలో కూడా పేరున్న మద్యంను కూడా రూ.99 కే విక్రయించేలా చర్యలు తీసుకుంటున్నట్లు మంత్రి కొల్లు రవీంద్ర ప్రకటించారు.
ప్రధానంగా రూ.99 కే మద్యం విక్రయిస్తుండటంతో భారీగా ఆదరణ వస్తోంది. ఈ నేపథ్యంలో పేరున్న బ్రాండ్లను కూడా అతి తక్కువ ధరకే విక్రయిస్తే మద్యం అమ్మకాలు కూడా పెరుగుతాయని యోచిస్తోంది.
త్వరలో ప్రముఖ బ్రాండ్లను కూడా రూ.99 కే విక్రయించేలా చూస్తామని మంత్రి అన్నారు. దీంతో వాటి ఉత్పత్తి సామర్థ్యం కూడా పెరుగుతుంది అని మంత్రి చెప్పారు. అయితే, ఇటీవలె మద్యం ధరపై కనీస ఛార్జీల విషయంపై పలు చర్చలు జరిగాయి.
అయితే, మద్యం దుకాణాలు నిర్వహిస్తున్నవారు మాత్రం కాస్త అసహనంగా ఉన్నారు. ఎందుకంటే మార్జిన్‌ సరిగ్గా రావడం లేదని ప్రభుత్వం కాస్త పెంచితే బాగుంటుంది. ఇలా అయితే, వ్యాపారం కష్టం అని చెబుతున్నారు.
ఆంధ్రప్రదేశ్‌లో కూటమి ప్రభుత్వం సరికొత్త విధానానికి కూడా చర్యలు తీసుకుంటుంది. కొత్త బ్రాండ్ల మద్యంతోపాటు టెట్రా ప్యాక్‌ల, చిన్న చిన్న సీసాల్లో కూడా మద్యం విక్రయించడంపై కూడా ప్రభుత్వం ఆలోచిస్తోంది.
