Anil Ambani House Inside Pics: ప్రముఖ వ్యాపార వేత్త అనిల్ అంబానీ మళ్లీ పుంజుకున్నారు. గతంలో భారీగా అప్పులపాలు అయిన ఆయన.. ఇటీవల మళ్లీ లాభాల బాటపట్టారు. రిలయన్స్ ఇన్‌ఫ్రాస్ట్రక్చర్ నికర విలువ 9,041 కోట్లకు పెరగడంతో ఆయనకు కాస్త రిలీఫ్ లభించినట్లయింది. ఒకప్పుడు తన అన్న ముఖేష్ అంబానీ కంటే ఎక్కువ ఆస్తులు కలిగిన అనిల్ అంబానీ వ్యాపారాల్లో నష్టాలు రావడంతో గ్రాఫ్ డౌన్‌ఫాల్ అయింది. ఇటీవల మళ్లీ కాస్త తెరుకున్నారు. అనిల్ అంబానీ ఇంటి పిక్స్‌పై మీరూ ఓ లుక్కేయండి.
ముంబైలోని పాలి హిల్‌లోని విలావంతమైన ఇంటిలో భార్య టీనా అంబానీ, ఇద్దరు కుమారులు జై అన్మోల్ అంబానీ, జై అన్షుల్ అంబానీతో కలిసి అనిల్ అంబానీ నివసిస్తున్నారు.
ఈ ఇల్లు 16,000 చదరపు అడుగుల విస్తీర్ణంలో 17 అంతస్తుల్లో నిర్మించారు. దీని విలువ దాదాపు రూ.5 వేల కోట్లు ఉంటుందని అంచనా.
ఈ భారీ భవనంలో హెలిప్యాడ్, ఓపెన్ స్విమ్మింగ్ పూల్, జిమ్, భారీ గ్యారేజీ, ఇతర ప్రీమియం సౌకర్యాలు ఏర్పాటు చేసుకున్నారు.
ముఖేష్ అంబానీ మాదిరే అనిల్ అంబానీ ఇంటి ఆవరణలో ఒక పెద్ద ఆలయం నిర్మించుకున్నారు.
తన ఇంటిని 150 మీటర్ల ఎత్తులో నిర్మించాలని భావించినా.. వివిధ కారణాల వల్ల అవసరమైన అనుమతులు రాలేదు. అనిల్ అంబానీ కుటుంబానికి చెందిన 11 మంది సభ్యులు ఇక్కడే ఉంటారు.
ఈ ఇల్లు లోపల అద్భుతమైన ప్యాలెస్ మాదిరి ఉంటుందని చెబుతారు. ఇంటీరియర్ డెకరేషన్ కోసం భారీగానే వెచ్చించినట్లు తెలుస్తోంది.
ఫర్నీచర్ విషయంలో అనిల్ అంబానీ కొంచెం ఎక్కువగా జాగ్రత్తలు తీసుకున్నారు. మొత్తం ఇంటర్నేషనల్ బ్రాండ్స్‌ను ఉపయోగించారు.
