Best Magical Seeds: శరీరానికి కావల్సిన ఎన్నో పోషకాలు ప్రకృతిలోనే విరివిగా లభిస్తుంటాయి. ఏవి దేనికనేది తెలుసుకుంటే చాలు. అలాంటిదే చియా సీడ్స్. పరిమాణంలో చిన్నగా ఉన్నా అద్భుతమైన ఆరోగ్య ప్రయోజనాలతో సూపర్ ఫుడ్‌గా ప్రాచుర్యంలో ఉన్నాయి. ఇవి గుండె నుంచి ఎముకల వరకూ అన్నింటినీ ఆరోగ్యంగా ఉంచగలవు.
Best Magical Seeds: క్రమం తప్పకుండా చియా సీడ్స్ సేవించడం వల్ల వివిధ రకాల వ్యాధుల నుంచి రక్షణ పొందవచ్చు. మలబద్ధకం వంటి సమస్యలకు అద్భుతంగా చెక్ పెడతాయి. చియా సీడ్స్ గురించి పూర్తి వివరాలు ఇలా ఉన్నాయి.
చియా సీడ్స్ ఎలా వాడాలి చియా సీడ్స్‌ను నీళ్లలో నానబెట్టి లేదా సలాడ్, స్మూదీ లేదా పాలతో కలిపి సేవించవచ్చు. రోజూ డైట్‌లో చేర్చడం ద్వారా అద్భుతమైన ఫలితాలు పొందవచ్చు
స్వెల్లింగ్ సమస్య దూరం శరీరంలో స్వెల్లింగ్ సమస్య అనేది వివిధ రకాల వ్యాధులకు కారణమౌతుంది. చియా సీడ్స్‌లో ఉండే యాంటీ ఇన్‌ఫ్లమేటరీ గుణాలు స్వెల్లింగ్‌ను అద్భుతంగా తగ్గిస్తాయి
జీర్ణక్రియ పటిష్టం చియా సీడ్స్‌లో ఫైబర్ పెద్దమొత్తంలో ఉంటుంది. ఫలితంగా జీర్ణక్రియ మెరుగుపడుతుంది. మలబద్ధకం సమస్యను దూరం చేస్తుంది. ప్రేవుల్ని క్లీన్‌గా ఉంచుతాయి.
ఎముకల పటిష్టత చియా సీడ్స్‌లో కాల్షియం, మెగ్నీషియం పెద్దమొత్తంలో ఉంటుంది. ఎముకల్ని బలోపేతం చేస్తాయి. ఎముకలు బలహీనంగా ఉండేవారికి లేదా ఆస్టియో పోరోసిస్ సమస్య ఉన్నవారికి చియా సీడ్స్ చాలా బాగా పనిచేస్తాయి
గుండె ఆరోగ్యం చియా సీడ్స్‌లో ఉండే ఒమేగా 3 ఫ్యాటీ యాసిడ్స్ అనేవి గుండెను ఆరోగ్యంగా ఉంచడంలో కీలకంగా ఉపయోగపడతాయి. చెడు కొలెస్ట్రాల్ ఎల్‌డీఎల్ తగ్గించి గుడ్ కొలెస్ట్రాల్ పెంచేందుకు దోహదం చేస్తాయి. హార్ట్ ఎటాక్, స్ట్రోక్ ముప్పు తగ్గుతుంది.
చియా సీడ్స్ అనేవి విటమిన్లు మినరల్స్, ఫైబర్ వంటి పోషకాలతో నిండి ఉంటాయి. అందుకే వీటిని విటమిన్లకు పవర్ హౌస్ అని పిలుస్తారు. ఇందులో ఒమేగా 3 ఫ్యాటీ యాసిడ్స్ , ప్రోటీన్లు, కాల్షియం, మెగ్నీషియం, ఐరన్, జింక్ వంటి పోషకాలు కూడా చాలా ఎక్కువగా ఉంటాయి. చాలా రకాల వ్యాధుల్ని దూరం చేస్తాయి.
