నిత్య జీవితంలో జీవనశైలి, ఆహారపు అలవాట్లే వివిధ రకాల సమస్యలకు కారణమౌతున్నాయి. ముఖ్యంగా యుక్త వయస్సులో లేదా 40 ఏళ్లకే వృద్ధాప్య ఛాయలు కన్పించడం ఇందుకే. అంటే ఏజీయింగ్ ప్రక్రియకు దోహదపడేవి మీ అలవాట్లే. ఈ సమస్య నుంచి గట్టెక్కేందుకు ఏం చేయాలి, ఎలాంటి అలవాట్లు మానేయాలో తెలుసుకుందాం..
Anti Ageing Habits: నిత్య జీవితంలో జీవనశైలి, ఆహారపు అలవాట్లే వివిధ రకాల సమస్యలకు కారణమౌతున్నాయి. ముఖ్యంగా యుక్త వయస్సులో లేదా 40 ఏళ్లకే వృద్ధాప్య ఛాయలు కన్పించడం ఇందుకే. అంటే ఏజీయింగ్ ప్రక్రియకు దోహదపడేవి మీ అలవాట్లే. ఈ సమస్య నుంచి గట్టెక్కేందుకు ఏం చేయాలి, ఎలాంటి అలవాట్లు మానేయాలో తెలుసుకుందాం..
కూరగాయలు ఆకుపచ్చని కూరగాయలు ఎక్కువగా తీసుకోకపోతే చర్మం, కేశాలు, మెదడుపై ప్రభావం పడుతుంది. అందుకే సాధ్యమైనంతవరకూ డైట్‌లో ఆకుపచ్చని కూరగాయలు ఉండేట్టు చూసుకోవాలి.
స్వీట్స్ చాలామందికి స్వీట్స్ తినే అలవాటు ఉంటుంది. షుగర్ ఫుడ్స్ ఆరోగ్యానికే కాదు మెదడు పనితీరుకు కూడా మంచిది కాదు. ఎక్కువగా తినడం వల్ల మెదడుపై వృద్ధాప్య ఛాయలు కన్పిస్తాయి.
కొంతమంది మద్యానికి బానిసలుగా ఉంటారు. కానీ మద్యం అధికంగా తాగడం వల్ల మెదడు కణజాలాలు ముదుసలిగా మారిపోతాయి. చర్మం డీలా పడిపోతుంది. తక్కువ వయస్సుకే వృద్ధాప్య ఛాయలు కన్పిస్తాయి. అందుకే మద్యం ఆరోగ్యానికి మంచిది కాదు.
వ్యాయామం వ్యాయామం చేయకపోతే మెదడు ఎప్పుడూ మొద్దుబారి ఉంటుంది. మెదడు యాక్టివ్‌గా ఉండాలంటే నిత్యం వ్యాయామం లేదా వాకింగ్ తప్పనిసరి. యాక్టివ్‌గా ఉండటం శరీరానికి కూడా మంచిది
సిగరెట్ స్మోకింగ్ సిగరెట్ స్మోకింగ్ ఆరోగ్యానికి ఏ మాత్రం మంచిది కాదు. ఇది కేన్సర్‌కు కారకమౌతుంది. అదే సమయంలో సిగరెట్ స్మోకింగ్ వల్ల ఏజీయింగ్ ప్రక్రియ వేగవంతమై త్వరగా వృద్ధాప్య ఛాయలు కన్పిస్తాయి.
