Samantha Ruthu Prabhu: టాలీవుడ్ ఇండస్ట్రీలో స్టార్ హీరోయిన్గా గుర్తింపు తెచ్చుకున్న సమంత, ఏకంగా రూ.1200 కోట్లు పోగొట్టుకున్నట్లు ఒక వార్త తెరపైకి వచ్చింది. మరి ఇందులో నిజా నిజాలు ఏంటో ఇప్పుడు చూద్దాం
టాలీవుడ్ సినీ ఇండస్ట్రీలో స్టార్ హీరోయిన్ గా పేరు సొంతం చేసుకుంది సమంత. ఏ మాయ చేసావే సినిమాతో ఇండస్ట్రీలోకి అడుగు పెట్టిన ఈమె,అతి తక్కువ సమయంలోనే భారీ పాపులారిటీ అందుకుంది. ముఖ్యంగా మహేష్ బాబు, రామ్ చరణ్, అల్లు అర్జున్, ఎన్టీఆర్ వంటి స్టార్ హీరోలు అందరి సరసన నటించి స్టార్ స్టేటస్ ను అందుకుంది.
అంతేకాదు టైర్ -2 హీరోలైన నాగచైతన్య, నాని, విజయ్ దేవరకొండ వంటి హీరోల సరసన కూడా నటించి మెప్పించింది. ఇదిలా ఉండగా ప్రస్తుతం బాలీవుడ్ లో వరుస వెబ్ సిరీస్ లు చేస్తూ దూసుకుపోతున్న ఈమె అనూహ్యంగా ఒక బాలీవుడ్ మూవీ కారణంగా రూ.1200 కోట్ల చిత్రంలో భాగమయ్యే.. అదృష్టాన్ని కోల్పోయింది.
అసలు విషయంలోకి వెళ్తే.. ప్రముఖ కోలీవుడ్ డైరెక్టర్ అట్లీ దర్శకత్వంలో బాలీవుడ్ బాద్షా షారుక్ ఖాన్ హీరోగా నటించిన చిత్రం జవాన్. ఈ సినిమా బాలీవుడ్ లో ఎంత ప్రకంపనలు సృష్టించిందో ప్రత్యేకంగా చెప్పాల్సిన అవసరం లేదు. అయితే ఇందులో ముందుగా సమంత ను తీసుకున్నారట డైరెక్టర్ అట్లీ. అంతేకాదు రూ.12 కోట్ల రెమ్యూనరేషన్ కూడా ఫిక్స్ అయినట్లు సమాచారం.
ఇక త్వరలోనే షూటింగ్ ప్రారంభం కానుంది అని అనుకునే సమయంలోనే.. సమంత మయోసైటిస్ తో తీవ్రంగా మదన పడిందట. ఈ సమస్య నుంచి బయటపడడానికి ఎన్నో ప్రయత్నాలు చేసినా కుదరకపోవడంతో చివరికి ఆమె స్నేహితురాలు సౌత్ లేడీ సూపర్ స్టార్ నయనతార ఈ సినిమాలో అవకాశాన్ని అందుకుంది.
నయనతార కూడా ఈ సినిమాలో.. తన అద్భుతమైన నటనతో ప్రేక్షకులను మెప్పించింది. అంతేకాదు ఈ సినిమాతో బాలీవుడ్ అరంగేట్రం చేసిన ఈమె మొదటిసారి 12 కోట్ల రూపాయలు.. పారితోషకం అందుకొని అందరిని ఆశ్చర్యపరిచింది.
అంతేకాదు రూ.1200 కోట్ల కలెక్షన్స్ వసూలు చేసింది జవాన్ సినిమా. ఇక ఈ విషయం అభిమానులకు తెలియడంతో మయోసైటిస్ కారణంగా ఇంత పెద్ద సినిమాలో సమంత అవకాశాన్ని కోల్పోయింది అంటూ కామెంట్లు చేస్తున్నారు. ప్రస్తుతం సమంతకు సంబంధించిన ఈ విషయం సోషల్ మీడియాలో వైరల్ గా మారింది.
