Best CNG Cars: దేశంలో పెట్రోల్-డీజిల్ ధరలు ఆకాశాన్నంటుతున్నాయి. ఈ క్రమంలో పెట్రోల్ , డీజిల్ కార్లకు ప్రత్యామ్నాయంగా సీఎన్జీ కార్లు కన్పిస్తున్నాయి. సీఎన్జీ కారు కొనుగోలు చేయాలని అనుకుంటుంటే మాత్రం...మీ కోసం టాప్ 5 బెస్ట్ సీఎన్జీ కార్ల జాబితా అందిస్తున్నాం..ధర కూడా తక్కువే..మైలేజ్ అధికం.
మారుతి సుజుకీ కంపెనీకు చెందిన మరో మోడల్ వేగన్ ఆర్. చాలా పాపులర్ వెర్షన్ ఇది. వేగన్ ఆర్ సీఎన్జీ వెర్షన్ కిలోకు 32.52 కిలోమీటర్ల మైలేజ్ ఇస్తుందట. వేగన్ ఆర్ ధర 4.93 లక్షలుగా ఉంది
మారుతి సుజుకీ 2022 జనవరిలో సిలేరియో కారు ఎస్ సీఎన్జీ మోడల్ ప్రవేశపెట్టింది. ఢిల్లీలో ఎక్స్ షోరూమ్ ధర 6.58 లక్షలుంది. ఇందులో 10 లీటర్ ఇంజన్ ఉంది. కిలో సీఎన్జీతో 35.60 కిలోమీటర్ల మైలేజ్ ఇస్తుందని కంపెనీ చెబుతోంది.
మారుతి సుజుకీకి చెందిన ఆల్టో సీఎన్జీ కిట్‌తో వస్తోంది. ఆల్టో సీఎన్జీ వెర్షన్ కిలో సీఎన్జీకు 31.59 కిలోమీటర్ల మైలేజ్ ఇస్తుందని కంపెనీ చెబుతోంది. ఆల్టో ప్రారంభధర 3 లక్షల నుంచి ఉంది.
ఇక హ్యూండయ్ కంపెనీ సెంట్రో మోడల్ సీఎన్జీ వేరియంట్ ధర 5 లక్షల 99 వేలుగా ఉంది. ఇది కిలో సీఎన్జీకు 29 లీటర్ల మైలేజ్ ఆఫర్ చేస్తోంది.
హ్యుండయ్‌కు చెందిన ప్రముఖ మోడల్ గ్రాండ్ ఐ 10 కూడా సీఎన్జీ వెర్షన్ వచ్చేసింది. కిలో సీఎన్జీ 25 కిలోమీటర్ల మైలేజ్ ఇస్తుంది. దీని ధర 6.99 లక్షల నుంచి ప్రారంభం కానుంది. ఇది 5 సీటర్ హ్యాచ్‌బ్యాక్ కారు.
