7 Pre Cancer Signs: ఆదునిక వైద్య శాస్త్రం ఎంతగా అభివృద్ధి చెందినా కేన్సర్ మహమ్మారి చికిత్స మాత్రం అందుబాటులో లేదనే చెప్పాలి. అందుకే కేన్సర్ పేరు వినగానే భయపడిపోతుంటారు. ప్రారంభదశలో గుర్తించగలిగితే కేన్సర్ చికిత్స సాధ్యమే. ఆలస్యమైతే మాత్రం మూల్యం చెల్లించుకోవల్సిందే.
7 Pre Cancer Signs: కేన్సర్ ప్రారంభ దశను స్టేజ్ జీరో లేదా ప్రీ కేన్సర్ కండీషన్ అంటారు. అంటే శరీరంలో కేన్సర్ మొదలైనా ఇంకా పూర్తిగా వృద్ధి చెంది ఉండదు. ఈ సమయంలో కొన్ని ప్రారంభ లక్షణాలు కన్పిస్తాయి. ఈ లక్షణాల్ని సకాలంలో గుర్తించగలిగితే చికిత్స సక్సెస్ అవుతుంది. జీరో స్టేజ్ కేన్సర్ లక్షణాలు తేలిగ్గానే ఉంటాయి కానీ నిర్లక్ష్యం చేయకూడదు. ముఖ్యంగా 7 లక్షణాలను తేలిగ్గా తీసుకోకూడదు.
ఇతర లక్షణాలు కొంతమందికి శరీరంలో ఒకేసారి ఏదైనా మొటిమలాంటిది మొదలై పెరుగుతూ కన్పించవచ్చు. ఈ పరిస్థితి ఉంటే వెంటనే అప్రమత్తమై వైద్యుని సంప్రదించాలి.
శరీరంపై ఏదైనా పుండు ఏర్పడటం శరీరంపై ఏదైనా భాగంలో అకస్మాత్తుగా పుండు ఏర్పడితే కచ్చితంగా అది కేన్సర్ లక్షణం కావచ్చని గుర్తుంచుకోండి. ఈ సమస్యను ఎప్పుడూ నిర్లక్ష్యం చేయవద్దు
బరువు తగ్గిపోవడం మీరు తీసుకునే డైట్ బాగానే ఉన్నా ఒక్కోసారి బరువు వేగంగా తగ్గిపోతుంటారు. ఇది కేన్సర్ ప్రారంభ లక్షణం కావచ్చు
మలబద్ధకం కొంతమందికి తరచూ మలబద్ధకం సమస్య తలెత్తుతుంటుంది. కడుపు లేదా ప్రేవుల్లో కేన్సర్ ప్రారంభదశలో ఉందని అర్ధం.
విరేచనాలు మీకు తరచూ విరేచనాల సమస్య ఉంటే నిర్లక్ష్యం చేయవద్దు. ఇది కూడా కేన్సర్ ప్రారంభ లక్షణం కావచ్చు. కడుపు లేదా ప్రేవుల్లో ఏదైనా గంభీరమైన సమస్య కావచ్చు
నాలుకపై తెల్లటి మచ్చలు నాలుకపై లేదా నోట్లో తెల్లటి లేదా ఎర్రటి మచ్చలు కన్పిస్తే కేన్సర్ ప్రారంభ లక్షణం కావచ్చు. ఇవి సమయం గడిచే కొద్దీ పెరుగుతుంటాయి.
తరచూ నోటి పూత మీకు నోటి పూత తరచూ వస్తుంటే దీర్ఘకాలం తగ్గకుండా ఉంటే అది ప్రీ కేన్సర్ స్థితి కావచ్చు. నిర్లక్ష్యం చేయకుండా వెంటనే వైద్యుని సంప్రదించాలి.
