Divi Vadthya Black Colour Saree Photos: తెలుగులో చేసింది కొన్ని సినిమాలే అయినా హీరోయిన్లతో సమానమైన ఫాలోయింగ్ సంపాదించింది దివి. తెలుగమ్మాయి కావడంతో ఆమెకు మరింత ప్లస్ అయింది. ఇక తాజాగా కొంపల్లిలోని సినీ ప్లానెట్ సమీపంలో ఏర్పాటైన ఇండో అరబిక్ రెస్టారెంట్‌ను మల్లారెడ్డితో కలిసి దివి ప్రారంభించారు. ఈ సందర్భంగా అభిమానులతో సెల్ఫీలు దిగుతూ సందడి చేస్తూ అక్కడ వంటలు రుచి చూశారు.
తెలుగు అమ్మాయి దివి మహేష్ బాబు హీరోగా నటించిన మహర్షి సినిమాలో ఒక చిన్న పాత్ర ద్వారా అందరికీ పరిచయమైంది. నిజానికి ఆ పాత్ర ఆమె చేసిందన్న విషయం కూడా చాలా మందికి తెలియదు. కానీ ఆమె ఎప్పుడైతే బిగ్ బాస్ సీజన్ ఫోర్లో ఎంట్రీ ఇచ్చిందో అప్పటి నుంచి ఆమె తెలుగు ప్రేక్షకులకు పరిచయమైంది.
బిగ్ బాస్ ఫినాలే లో ఆమెను చూసిన మెగాస్టార్ చిరంజీవి ఏకంగా తన సినిమాలో అవకాశం ఇస్తానని చెప్పడంతో ఒక్కసారి తెలుగు ప్రేక్షకులు అందరికి నోటెడ్ అయిపోయింది. మాటిచ్చినట్టుగానే మెగాస్టార్ చిరంజీవి ఇప్పటికే ఆమెకు గాడ్ ఫాదర్ సినిమాలో అవకాశం ఇచ్చారు.
ఇప్పుడు భోళా శంకర్ సినిమాలో కూడా ఆమె నటిస్తోంది. ఆ సంగతి అలా ఉంచితే బిగ్ బాస్ తో వచ్చిన క్రేజ్ మరింత పెంచుకునే ప్రయత్నం చేస్తున్న ఈ భామ ఎప్పటికప్పుడు హాట్ ఫోటోషూట్లు షేర్ చేస్తూ సోషల్ మీడియాలో రచ్చ రేపుతోంది. తాజాగా ఈ భామ కొంపల్లి సినీ ప్లానెట్ సమీపంలో ఏర్పాటు అయిన ఇండో అరబిక్ రెస్టారెంట్ ను మంత్రి మల్లారెడ్డితో కలిసి ప్రారంభించింది.
ఈ సందర్భంగా అభిమానులతో సెల్ఫీ దిగుతూ సందడి చేయడమే కాదు అక్కడి వంటకాలను సైతం రుచి చూస్తూ ఫోటోలకు ఫోజులు ఇచ్చింది. ఇక ఈ ప్రారంభోత్సవానికి ఆమె నల్ల రంగు చీర ధరించి బ్లూ కలర్ జాకెట్ ధరించి హాజరైంది.
ఈ చీరకట్టులో కూడా ఆమె అందాలు ఆరబోస్తూ ఫోటోలకు ఫోజులిచ్చింది. ఆ ఫోటోలు ఇప్పుడు సోషల్ మీడియాలో వైరల్ ఇవ్వడంతో అభిమానులు రకరకాల కామెంట్లు పెట్టి ఆమె అందాలను ఆస్వాదిస్తున్నారు.
